Stalaktit (yun. Σταλακτίτης (stalaktos) — damcı-damcı sızılmış) ― karst mağaralarının tavanından çubuq, boru, buz lüləsi formasında inkişaf edən əhəngli mineral törəmə. Mağaranın tavanından damcılayan karbon qazı ilə doymuş sudan kalsium-karbonatın çökməsi nəticəsində yaranır. Bəzən buxarlanmanın iştirakı ilə əmələ gələn duz və gips stalaktitlərinə də rast gəlinir.