Məryəmnoxuduyarpaq topulqa - Haqqinda Melumat

Məryəmnoxuduyarpaq topulqa
Məryəmnoxuduyarpaq topulqa
Elmi təsnifat
	Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Klad: Klad: Toxumlu bitkilər Klad: Çiçəkli bitkilər Klad: Klad: Klad: Klad: Rosids Klad: Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Cins: Topulqa Növ: Məryəmnoxuduyarpaq topulqa
Beynəlxalq elmi adı
	Spiraea chamaedryfolia L., 1753;
ITIS
NCBI
EOL

Məryəmnoxuduyarpaq topulqa (lat. Spiraea chamaedryfolia) — bitkilər aləminin gülçiçəklilər dəstəsinin gülçiçəyikimilər fəsiləsinin topulqa cinsinə aid bitki növü.

Təbii yayılması

Cənub və Qərbi Sibirdə, Qazaxıstanda, Mərkəzi Avropada yayılmşdır.

Botaniki təsviri

Möhkəm, yumru çətirinin buğumlu zoğları olan, hündürülüyü 1,5-2 m-dək çatan koldur. Yarpaqları enli-uzunsov-yumurtavari, ucu biz, bünövrəsi yumru və ya dar, kənarı mərkəzinədək bütöv, ayanın ucunda cüt dişlidir. Uzunluğu 3,5 sm-dən 4,5 sm-dəkdir. Yarpaqların üst tərəfi parlaq yaşıl rəngli, alt tərəfi göyümtüldür. Mayda-iyunda çiçəkləyir, iyulda-avqustda meyvə verir. Ağ çiçəkləri 6-20 ədəd çiçəkli qalxanvari çiçək qruplarına yığılmışdır. Çiçək saplaqları çılpaqdır. Meyvələri-xırda, hamar, qonur, qanadlı toxumları olan çılpaq yarpaqcıqlıdır.

Ekologiyası

Şaxtaya davamlı koldur.

Azərbaycanda yayılması

Azərbaycanın bəzi bölgələrində park və bağlarda mədəni şəraitdə becərilir.

İstifadəsi

Dekorativ və balverici bitki kimi istifadə edilir.

İstinadlar

Linnaeus C. Species Plantarum (lat.): Exhibentes plantas rite cognitas ad genera relatas. 1753. C. 1. S. 489.

Həmçinin bax

[_b02659b629223a91-1] Linnaeus C. Species Plantarum (lat.): Exhibentes plantas rite cognitas ad genera relatas. 1753. C. 1. S. 489.