Azərbaycanda Kür çayının orta hissəsində, Ağstafaçay, Qanıxçay və Tərtərçayda, Arazın yuxarılarında (Naxçıvançaya qədər) yayılıb. Respublikadan kənarda Kür və Arazın yuxarılarında, Araqva, Borjomi, Ərdəhan, Arpaçay, Qarasuçay, Qarsçay çaylarında və Çıldır gölündə yayılmışdır.

D III (7) 8 (9), A II–III 14–19, adətən 15–17 şüa olur. Udlaq dişləri 2.5–5.2 və ya 2.5–4.2-dir. Qəlsəmə dişcikləri seyrək və qısadır. Uzunluğu 23,5 sm, adi halda 15,0 sm-dir. Quyruq üzgəci uzun və dərin haçalıdır. Alt hissəsi üst hissəsindən bir qədər uzundur. Bel üzgəcinin ön şaxəsiz şüası çox yoğunlaşmışdır. Gözləri iridir. Döş və anal üzgəcləri narıncı rəngdə olur. Döş üzgəclərinin əsası, bel və quyruq üzgəclərinin ucları qara rəngdədir. Bədəninin yanlarında tünd rəngli enli zolaq uzanır.

Zaqafqaziya endemik balığıdır. Şirin sularda yaşayır. Çayların sürətli axan, dibi daşlı olan yerlərində yaşayır.3 ilə qədər yaşayır. Qidasını başlıca olaraq bentik orqanizmlər, bitki detriti, qismən plankton yosunları təşkil edir.

Cinsi yetkinliyə 2 yaşında çatır. Cinsi yetkinliyə çatmış balıqların uzunluğu ən azı 95 mm olur. İyunun birinci ongünlüyündə tutulmuş balıqların cinsi məhsulları dördüncü yetkinlik mərhələsində olmuşdur. Kürülər hissə-hissə yetişir. Məhsuldarlığı 3000 kürücüyə qədərdir.

Təsərrüfat əhəmiyyəti yoxdur.

1. Azərbaycanın heyvanlar aləmi. Onurğalılar, III cild. Bakı: Elm, 2004, s. 111.
2. Əbdürrəhmanov Y. Ə. Azərbaycan faunası (Balıqlar), VII, cild, Bakı, Elm, 1966, s.153

• Zaqafqaziya gümüşçəsi
• Qaraqaş