Simonyan Simon (q.erm. Սիմոն Սիմոնեան; 11 (24) mart 1914, Qaziantep, Hələb vilayəti – 11 mart 1986, Beyrut) — yazıçı, publisist, müəllim.

Simon Simonyan
q.erm. Սիմոն Սիմոնեան
Doğum tarixi	11 (24) mart 1914
Doğum yeri	Qaziantep, Hələb vilayəti, Osmanlı imperiyası
Vəfat tarixi	11 mart 1986(1986-03-11) (71 yaşında)
Vəfat yeri	Beyrut, Beyrut mühafəzəsi[d], Livan
Fəaliyyəti	yazıçı, müəllim, publisist
Əsərlərinin dili	erməni dili

11 mart 1914–cü ildə Osmanlı İmperiyasında anadan olmuşdur. Cavan yaşlarında Livanda yerləşən "Kilikiya erməni katalikosluğu"nun arxivlərinə rəhbərlik etmiş, həmçinin Livandakı erməni məktəblərində dərs demişdir. Erməni dilinə və tarixinə dair bir neçə dərsliyin müəllifidir. 1958-ci ildə "Sprük" jurnalının əsasını qoyur və uzun müddət onun redaktoru olur.

Sonralar "Sevan" nəşriyyatına rəhbərlik etmişdir. Simonyan erməni diasporu içərisində məşhur adam idi.

"Hay dat" (Erməni məhkəməsi) termininin müəllifi məhz Simon Simonyandır. Simonyanın ənənəvi erməni partiyaları ilə münasibətləri gərgin idi, çünki o fərqli siyasi xəttin tərəfdarı idi. 1960-cı illərdə Simonyan SSRİ-yə gələrək Ermənistan SSR-də olmuşdur. Sonralar SSRİ-yə gəlişinə qadağa qoyulmuşdu.

Simon Simonyan 11 mart 1986–cı ildə 72 yaşında Beyrutda vəfat etmişdir.