Sezar amanitası

Amanita caesarea (lat. Amanita caesarea) — fungi aləminin basidiomycota şöbəsinin agaricomycetes sinfinin agaricales dəstəsinin amanitaceae fəsiləsinin amanita cinsinə aid göbələk növü. IUCN Qırmızı Siyahısına görə növün kateqoriyası və statusu "Nəsli kəsilməyə həssas olanlar" kateqoriyasına aiddir – VU D2. Nadir növdür.

Sezar amanitası
Elmi təsnifat
Domen: Eukariotlar Ranqsız: Amorphea Ranqsız: Obazoa Ranqsız: Opisthokonta Ranqsız: Holomycota Ranqsız: Zoosporia Aləm: Göbələklər Yarımaləm: Dikarya Şöbə: Bazidiomisetlər Yarımşöbə: Agaricomycotina Sinif: Agaricomycetes Yarımsinif: Agaricomycetidae Dəstə: Şampinyonkimilər Fəsilə: Amanitaceae Cins: Amanita Növ: Sezar amanitası
Beynəlxalq elmi adı
Amanita caesarea Pers., 1801
Şəkil axtarışı NCBI   67695 EOL   161521 MB   208468

Qısa morfoloji təsviri

Meyvə cismi torpaqda inkişaf edir. Cavan meyvə cismi yumurtavari, ağ örtüyə malikdir. Yetişdikdə yuxarı hissədə partlayır və papaqcıq xaricə çıxaraq böyüyür. Papaqcıq 10-15 sm diametrindədir, sıx, lətlidir, yarımdairəvi, sonradan bir qədər qabarıq, alov və ya çəhrayımtıl-qırmızı rənglidir, səthində tez qopan ağ, iri ziyilləri vardır, kənarları zolaqlıdır. Lövhələri sıx, oxralı sarı, quruyanda solğunlaşandır. Ayaqcıq 8-15 x 1.5-2 sm, oxralı-sarı, silindirik, əsası şişkindir, volva ağ, torbaya bənzərdir, ağ rəngli, sərbəst, kənarı dilimlidir. Ayaqcıqda olan halqa enli, sallanmış, üstü hamar, altı zolaqlı, sarımtıldır. Yeməlidir.

Bioloji, ekoloji və fitosenoloji xüsusiyyətləri

Simbiotrofdur, Quercus və Carpinus cinslərinin növləri ilə mikoriza əmələ gətirir. Oktyabr –noyabr aylarında palıd-vələsli meşələrdə rast gəlinir.

Yayılması

Hirkan meşələrində, Lənkəran, Astara ərazisidir.

Sayı və tendensiyası

Populyasiyasıyanın sayı azdır.

Məhdudlaşdırıcı amillər

İqlim şəraitinə və torpağınkimyəvi tərkibinə yüksək seçici tələbkarlıqdır.

Mühafizə tədbirləri

Mühafizəsi üçün xüsusi tədbirlər aparılmır. Populyasiyanın vəziyyəti nəzarət altında saxlanmalıdır. Göbələyin biologiyası və ekologiyasının ətraflı öyrənilməsi məqsədəuyğundur.