Seyfi Dursunoğlu (1 oktyabr 1932, Trabzon – 17 iyul 2020, İstanbul) — tanınmış səhnə adı Huysuz Virjin, türkiyəli ing. drag queen (dreq kvin), müğənni və aparıcıdır. 1970-ci illərdən 2000-ci illərə qədər davam edən əyləncə proqramları ilə Türkiyədə məşhur bir əyləncə simasına çevrilmişdi.
| Seyfi Dursunoğlu | |
|---|---|
| türk. Seyfi Dursunoğlu | |
| Doğum adı | Seyfettin Dursunoğlu |
| Doğum tarixi | 1 oktyabr 1932 |
| Doğum yeri | |
| Vəfat tarixi | 17 iyul 2020(87 yaşında) |
| Vəfat yeri | |
| Dəfn yeri | |
| Fəaliyyəti | teatr aktyoru, komediyaçı |
Həyatı və səhnə fəaliyyəti
Seyfi Dursunoğlu 1932-ci ildə Trabzonda anadan olub. Bir müddət Trabzonun Yenicuma rayonunda yaşayıb 1938-ci ildə ailəsi ilə birlikdə İstanbula gəlmişdir. Orta məktəbi bitirdikdən sonra İstanbul Universitetində İngilis dili Filologiyası fakültəsinə daxil olub. Atası müflis olandan sonra orada təhsilini yarımçıq qoyub hərbi xidmətə getməli olmuşdur. Hərbi xidməti başa vurduqdan sonra Sosial Sığorta Müəssisəsində dövlət qulluqçusu kimi fəaliyyətə başladı və 18 il dövlət qulluqçusu işlədikdən sonra işini tərk etmişdir.
1970-ci ildə Huysuz Virjin kimi kiçik klublarda çıxış etməyə başladı. Şöhrəti ağızdan-ağıza yayıldıqca daha böyük klublardan təkliflər almağa başladı. Hər il İzmir Sərgisində Türkiyənin tanınmış artistləri ilə səhnəni paylaşdı. İzmir Sərgisinə gələn minlərlə insan sayəsində o, Türkiyənin hər yerində məşhurlaşdı.
Seyfi Dursunoğlu TRT- də yarışma proqramına qatılaraq ən böyük sıçrayışını etdi və 1970-ci illərdə Huysuz Virjin adı ilə rekordları vurdu.
Bir çox ölkədə konsert verən Dursunoğlu Huysuz Şou adlı proqramı ilə özünü bütün Türkiyəyə tanıtdı. Dursunoğlu, İbrahim Tatlısəs , Qaro Mafyan və Deniz Seki kimi müğənni və sənətçilərlə birlikdə Popstar Türkiyə yarışmasının ikinci mövsümündə münsiflər heyətinin üzvü olub.
2007- ci ildə o, verilişinin yayımlandığı televiziya kanallarında Radio və Televiziya Üst Şurasının (RTÜK) dolayı təzyiq və senzuraya məruz qaldığını əsas gətirərək bir daha Huysuz Virjin obrazını canlandırmayacağını açıqlamışdı. 2012-ci ildə Star TV- də yayımlanmağa başlayan Benzemez Kimse Sana adlı müsabiqədə münsiflər heyətinin üzvü olub. O, verilişin final bölümündə sonuncu dəfə Huysuz Virjin obrazında yer alıb və dolayısı ilə yaşına görə bir daha bu rolda ifa edə bilməyəcəyini "Bu mənim son kantomdur" deyərək izah edib. O, həmçinin 15 milyon TL dəyərində var-dövlətini Müasir Həyata Dəstək Dərnəyinə bağışlayacağını açıqlamışdır.
2013-cü ildə "Benzemez Kimsə Sana" (Show TV) verilişində münsiflər heyəti üzvü oldu, lakin veriliş tezliklə ləğv edilmişdi. 2014-cü ilin dekabrında Star TV ilə müqavilə imzalayan Dursunoğlu yeni ildə yenidən ekranlarda olacağını açıqlamış və 24 yanvar 2015-ci ildə tv verilişlərin birində yenidən münsiflər heyətinin üzvü olmuşdur. Proqram ilk 4 bölümün Doğuş Yayım Qrupunun tələb etdiyi reytinqləri almaması səbəbiylə 20 fevral 2015-ci il tarixində beşinci bölümü ilə sona çatdı.
Son olaraq Dursunoğlu 2017-ci ildən 2018-ci ilə keçdikdə Kanal D-də "Huysuz'la Yeni İl Xüsusi" verilişinə aparıcılıq edib.
Ölümü
"Huysuz Virjin" ləqəbli türkiyəli şou və səhnə artisti Seyfi Dursunoğlu 17 iyul 2020-ci ildə İstanbul şəhərində 87 yaşında pnevmoniyadan müalicə aldığı xəstəxanada vəfat etmişdir.
Proqramlar
İstinadlar
- .
- ↑ .
- ↑ Huysuz Virjin // (çeş.). 2001.
- ↑ .
- .
- ARMAN, Ayşe. . www.hurriyet.com.tr (türk). 2011-07-03. 2023-11-13 tarixində . İstifadə tarixi: 2023-11-13.
- . web.archive.org. 2015-04-02. Archived from the original on 2015-04-02. İstifadə tarixi: 2023-11-13.
- Huysuz İle Seyfi’nin 35 Yıllık Sevda Masalı (türk). İstanbul: Alfa Yayınları. 2004. ISBN 9752975356.. ()
- . Milliyet (türk). 2008-09-03. 2023-11-13 tarixində . İstifadə tarixi: 2023-11-13.
- Habertürk. . Habertürk (türk). 2023-11-13 tarixində . İstifadə tarixi: 2023-11-13.
- . web.archive.org. 2020-10-16. Archived from the original on 2020-10-16. İstifadə tarixi: 2023-11-13.
- Bayrak, İsmail. . Hürriyet. July 17, 2020. July 17, 2020 tarixində . İstifadə tarixi: July 17, 2020.
- . web.archive.org. 2020-07-18. Archived from the original on 2020-07-18. İstifadə tarixi: 2023-11-13.
Xarici keçidlər
- — Twitter səhifəsi