Sevinc Ağasıyeva Astara şəhərində anadan olub. Orta təhsilini Astarada 2 nömrəli məktəbdə alıb. Paralel olaraq piano üzrə musiqi məktəbini oxuyub. İlk dəfə 3 yaşında Astara stadionunda təşkil olun tədbirdə "Cücələrim"i solo ifa edib. Daha sonra bir çox uşaq mahnılarını da oxuyub. 6 yaşına qədər rayonda təşkil olun böyük mədəni tədbirlərdə xorun soliti olub.

Sonra Sevinc Ağasıyeva Lənkəran Musiqi Texnikuma daxil olub. Oranı bitirdikədən sonra Bakı Musiqi Akademiyasında təhsil alıb. Bəstəkar kimi yaradıcılıq fəaliyyətinə isə 2000-ci illərdə başlayıb.

Atası Ağasıyev Məmməd musiqiçi, tarzən, şair-qəzəlxan olub. 2018-ci ildə Beynəlxalq Muğam Mərkəzində onun 70 illik yubileyi keçirilib. Tədbirdə tanınmış ictimai xadimlər, mədəniyyət nümayəndələri və rəsmi şəxslər işirak ediblər. Yubiley tədbiri Mədəniyyət kanalında yayımlanıb.

Onun ilk bəstəsi olan "Səndən ayrı" mahnısını keçmiş həyat yoldaşı Cavid Hüseyn ifa edib. Sonradan onun ifasında səslənən "Lalə", Aygün Kazımova ilə "Sən bir də mən" dueti, Aygün Kazımovanın reperturında isə "My baby" (Megi) mahnıları yaranıb. Həmin illərdə yazılan və müğənni Röyanın ifa etdiyi "Ayır məni bu şəhərdən" mahnısının da müəllifi Sevinc Ağasıyevadır.

2009-cu ildə bəstəkarın vizit kartı olan, məktəb mövzusunda ən çox sevilən mahnılardan biri "Əziz müəllimim" yaranır. Mahnının sözləri Məhəbbət İbrahimovaya aiddir. İlk ifaçıları "Yeni ulduz" yarışmasının ifaçıları olub. Sonradan 2019-cu ildə Sevinc Ağasıyeva mahnını özü də yeni aranjimanda ifa edib. Günay İbrahimlinin ifasında "Süzgün-süzgün" mahnısı da bu dövrdə yazılıb.

Cavid Hüseyn həmin illərdə bəstəkarın yazdığı "Məhəbbət dünyası", "Yarı orda, yarı burda" mahnılarını da ifa edib. İkinci mahnını sonralar Sevinc Ağasıyeva özü də ifa edib.

2015-ci ildə Sevinc Ağasıyeva Cavid Hüseynlə boşanır. Həmin ildən etibarən bəstəkarı instrumental musiqiləri işıq üzü görməyə başlayıb. Bu sırada "Nur çələngi", "Dejavu", "Love", "Dialoq", "Emotion", "Dreamer", "View from window" və digər əsərləri qeyd etmək olar. 2017-ci ildən etibarən o OksiMedia Procution-la əməkdaşlığa başlayır. Şirkətin istehsal etdiyi "Mələyin öpüşü", "Sevgi Romanı" filmləri və "Lal yuxu" serialının musiqiləri Sevinc Ağasıyevaya məxsusdur.

2019-cu ildə Xalq artisti Aygün Kazımova sözləri və musiqisi Sevinc Ağasıyevaya aid olan "Mən gəlirəm", Xalq artisti İlqar Muradov isə "Hərdən" mahnılarını ifa edirlər.

2019-cu ilin aprelində onun "Yarat" Müasir İncəsənət Mərkəzində ilk solo konserti baş tutur. Sənətçi konsertdə həm istrumental musiqiləri, həm də müğənni kimi mahnılarını ifa edir. Bu konsert onun səhnədə müğənni kimi ilk addımı sayılır. Elə həmin dövrdən etibarən Sevinc Ağasıyeva SİVVA səhnə adı ilə çıxış etməyə başlayır. SİVVA onun uşaqlıq adıdır. Uşaq ikən atası və qohumları onu məhz belə çağırıblar.

İyun ayında müğənni "Əziz müəllimim" mahnısını yeni aranjimanda ifa edir və həmin mahnıya Təhsil Nazirliyi və "ASAN Radio"nun dəstəyi ilə klip lentə alınır. Klipin təqdimatı son zəng günü Bakı şəhəri, 6 saylı məktəb-liseydə keçirilir.

İyul ayında müğənni kimi onun növbəti "De, görüm" mahnısı işıq üzü görür. Sivva həmin mahnını ilk dəfə Bakı Dövlət Universitetinin "Kristal Hall"da keçirilən 100 illik yubiley tədbirində ifa edir.

2019-cu ilin dekabrında Dövlət Təhlükəsizliyi Xidmətinin Mədəniyyət Mərkəzində onun növbəti konserti baş tutur. "Nəsimi ili"nə həsr edilmiş "Həqq məndədir" adlı konsertdə Əməkdar artist, tarzən Şəhriyar İmanov, bədii qiraət ustası Xəzər Süleymanlı da çıxış ediblər. Tofiq Quliyev, Süleyman Ələsgərov və Sevinc Ağasıyevanın İmadəddin Nəsiminin qəzəllərinə bəstələnən mahnıları səslənib, şairin qəzəlləri oxunub. Tədbirdə, həmçinin Sevinc Ağasıyevanın ifasında musiqisi tanınmış kamança ustası Mark Eliyahuya, sözləri Nəsimiyə aid olan "Etməgil" mahnısının klipi də təqdim olunub.

Bundan sonra aktiv yaradıcılıq fəaliyyətinə başlayan bəstəkar-müğənni bir çox mahnıları ifa edir və həmin mahnılara kliplər lentə alınır.

2020-ci ilin mart ayında SİVVA "Qaratikanlar" layihəsini təqdim edir. May ayında fədakar həkimlərə həsr olunan layihə — "Mehriban həkim" mahnısına İctimai Televiziyanın dəstəyi ilə klip lentə alınır.

Növbəti mahnı-kliplər isə "6-cı mərtəbə" "İnsan oğlu" və "Diriliş marşı" oldu. 2020-ci ilin son layihəsi İlqar Fəhminin sözlərinə yazılan "Sevirdi" mahnısı olur.

Sənətçinin 2021-ci ildə ilk layihəsi müharibə mövzusuna həsr olunur. Vətən müharibəsi dövründə Gəncədə ermənilər tərəfindən törədilən qanlı terror "Pray for Ganja" mahnsının yaranmasına təsir edir. Musiqisi SİVVA, sözləri Ruslan Karslı, aranjiman Samir Şirinova aid olan mahnıda Xalq artisti, balaban ifaçısı Əlixan Səmədov, Əməkdar artist Elnur Əhmədov da ifa ediblər. SİVVA-nın duet ortağı isə "Uşaq Avroviziya" mahnı müsabiqəsinin iştirakçısı Fidan Hüseynova olur. Mahnıya çəkilən klip isə Gəncədə baş verən hadisələr bədii formada canlandırılıb. Klip və mahnı barədə məlumatlar yerli və xarici mediada geniş işıqlandırılır. Və kifayət qədər yaxşı rezonans doğurur.

SİVVA-nın növbəti uğurlu və sevilən mahnısı "Dedilər" isə müğənni Zamiqlə duet şəklində işıq üzü görür. 2021-ci ilin mart ayında mahnıya klip çəkilir. 1970–80-ci illərin ab-havası yaradılan ekran işində cütlüyün tərzi, xüsusi olaraq seçilib. Klipdə iki nəfərin sevgi romanı əks olunub. Zamiqin obrazı truba ifaçısıdır. Onun qocalığını fotoqraf-aktyor Şahin Yüksəl Sərkərov canlandırıb. SİVVA isə klipdə elə həyatda olduğu kimi müğənnidir. Onun yaşlı obrazını Xalq artisti Nübar Novruzova oynayıb.

1 iyun "Uşaqların Beynəlxalq Müdafiəsi Günü"ndə SİVVA qızı Emiliya (Emmy Lia) ilə duet şəklində "Swan" (Qu quşu) layihəsini təqdim edir. Mahnı türk və ingiliscədir.

30 iyun "Milli Sevgililər Günü"ndə sənətçi yeni mahnısını təqdim edir. Mahnının sözləri Cəlil Cavanşirə, musiqisi xanım ifaçının özünə, aranjimanı isə Əli İbrahimzadə və Tərlan Məmmədliyə aiddir. Adı çəkilən ifaçılar 4MOOD qrupu kimi SİVVA ilə həm də klipdə tərəf müqabili olublar. "Keçmiş sevgilim" üçün maraqlı məkanlar, o cümlədən gəmi və dənizkənarı milli park seçilib. Əsas epizodlar "Suraxanı" gəmi-muzeyində lentə alınıb.

İyulun 28-də SİVVA-nın həyatında əlamətdar hadisə baş verir. Xanım bir neçə ildir onunla bərabər çalışan meneceri, aparıcı Ruslan Zeynalla ailə həyatı qurur.

2 avqust "Milli Kino Günü"ndə SİVVA növbəti layihəsini tamaşaçılara təqdim edir. Xanım sənətçi bir vaxtlar kifayət qədər məşhur olan "Bəyaz həyat" serialının soundtrekini ifa edib. Onun "Röya kimi" mahnısında duet ortağı isə 3 yaşında olarkən həmin serialda Nani rolunda çəkilən doğma qızı Emiliya olub. Balaca Nani serialda aktrisa Vəfa Zeynalovanın qızını canlandırıb. "Röya kimi" mahnısına çəkilən klipdə 2003-cü ildə rejissor Rahim Sadıqbəyli tərəfindən lentə alınan "Bəyaz həyat"da rol alan aktyorlar — Xalq artisti Nurəddin Mehdixanlı, əməkdar artistlər Vəfa Zeynalova, Anar Heybətov, Mələk Abbaszadə, hazırda daha çox "Çöl adamı" layihəsindən tanınan Kamal Dəniz, rejissor Aqil M. Quliyev, aktyorlar Əhməd Salahov, Naina İbrahimova, Samir Ələsgərov 18 ildən sonra yenidən bir araya gəliblər.

SİVVA-nın "Bumbuz yataq" layishəsi isə onun yaradıcılığının ən uğurlu işlərindən sayılır. Aranjimanı Fidan Alivaya aid olan mahnının üzərində 2 ildən artıq çalışan sənətçi klipin çəkilişlərini rejissor Emin Muradova həvalə edib.

1. . Azxeber.com. 2019-01-27 tarixində . İstifadə tarixi: 25.11.2018.
2. . Trend.Az (az.). 2007-12-04. 2021-10-10 tarixində . İstifadə tarixi: 2023-06-04.
3. . Trend.Az (az.). 2019-12-21. 2023-06-04 tarixində . İstifadə tarixi: 2023-06-04.
4. . ESC Covers (ingilis). 2021-03-01. 2023-06-04 tarixində . İstifadə tarixi: 2023-06-04.
5. . qaynarinfo.az (ingilis). 2021-10-10 tarixində . İstifadə tarixi: 2023-06-04.
6. . Sputnik Azərbaycan (az.). 2021-06-01. 2023-06-04 tarixində . İstifadə tarixi: 2023-06-04.
7. . oxu.az. İstifadə tarixi: 2021-06-30.