Serhat Akpınar

Serhat Akpınar (1 fevral 1964) — Kipr türk sahibkar və pedaqoq. Kiriniya Amerikan Universiteti və Kipr Amerika Universitetinin qurucu rektoru və İdarə Heyətinin sədridir.

Serhat Akpınar
Doğum tarixi 1 fevral 1964(1964-02-01) (60 yaş)
Vikianbarın loqosu Vikianbarda əlaqəli mediafayllar

İlk illəri

Serhat Akpınar 1 fevral 1964-cü il tarixində Kiprdə, Nikosiya şəhərinin Ərəbəhməd rayonunda anadan olmuşdur. O, ibtidai və orta təhsilini Kiprdə başa vurmuşdur. Akpınar Birləşmiş Krallıqda biznesin idarə edilməsi üzrə bakalavr və magistr dərəcələrini tamamlamış, beynəlxalq marketinq üzrə ixtisaslaşmışdır. O, London Şəhər Universitetini bitirmişdir. Akpınar Harvard Universiteti və Qaliley Kollecinin birlikdə idarə etdiyi Ali Təhsil Qurumlarının İdarəetmə Proqramı ilə təhsilini davam etdirmişdir.​

Karyera

Təhsil

Serhat Akpınar 1985-ci ildə Şimali Kipr Türk Respublikası ilk özəl universiteti olan Kiriniya Amerikan Universiteti təsis etmişdir. Bu gün universitet ABŞ, Birləşmiş Krallıq, Türkiyə, Moldova, Şri-Lanka və Honkonqda müstəqil və birgə yaradılmış ümumi kampuslara malikdir. Akpınar və Cənub-Şərqi Universiteti ilə əməkdaşlıq edərək bu universitetlərin ilk beynəlxalq kampuslarını qurmuşdur. 1988-ci ildə Cənub-Şərqi Universitetinin regional direktoru olmuş və 1998-ci ilə qədər bu vəzifəni icra etmişdir. O, Qazaxıstan Prezidenti yanında Ali Təhsil Şurasının üzvləri arasında idi və Nursultan Nazarbeyev Universitetini quran Təsisçilər Komitəsində iştirak etmişdir.​ 2012-ci ildə Akpınar Şimali Kipr Türk Respublikasnın Nazirlər Şurasının yekdil səsi ilə Səyahət Səfiri təyin edilmişdir. Akpınar 2014-cü ildə Türkiyədə pilot təhsili verə bilən azsaylı mülki aviasiya məktəblərindən birini qurmuşdur. İstanbuldakı Beynəlxalq Aviasiya Akademiyasında pilotluq və kabin xidmətləri kimi sahələrdə kurslar açılmışdır.

Digər

Akpınar Kiprin şimalında fəaliyyət göstərən ingilisdilli "Cyprus Observe" qəzetini təsis etmişdir. O, Nikosiyada yerləşən Böyük Hamamın bərpa proqramına rəhbərlik etmiş və Kiriniya Amerikan Universiteti Turizm və Otel İdarəetmə fakültəsi üçün istifadə edilən "Le Chateau Lambousa" otelini yenidən açmışdır. Serhat Akpınar tərəfindən imzalanan qərara əsasən, İkinci Qarabağ müharibəsi şəhidlərinin və qazilərinin övladları Girnə Amerikan Universitetində ödənişsiz əsaslarla təhsil ala bilərlər.

Akpınar 2007-ci ildə Kipr Uşaq Vəqfini yaratmışdır. Vəqf yarandığı gündən uşaq hüquqları və uşaq unkişafını dəstəkləmək üçün bir çox regional və beynəlxalq təşkilatlarla əməkdaşlıq edir. Akpınar "DMW Diplomats International"ın İdarə Heyətinin üzvü və 2017-ci ildə vitse-prezident vəzifəsinə təyin edilmişdir. Eyni təşkilatın bir hissəsi olaraq, Kipr bölməsinin qurucu sədrliyini üzərinə götürmüşdür.​ Kipr Universitetlər Birliyinin prezidenti vəzifəsində çalışmışdır və adada ali təhsil təşəbbüslərinin irəliləməsinə töhfə vermişdir. Akpınar Kipr Osmanlı Kitabxanasını Kipr Amerika Universitetinin tərkibində istifadəyə vermişdir.

Mükafat və təltiflər

Serhat Akpınar 1996-cı ildə Biznes İdarəçiləri Birliyi Fəxri Payesi (SBP), 1997-ci ildə Daşkənd Dövlət İqtisad Universitetindən Fəxri Paye, 2000-ci ildə Avropa Beynəlxalq Məktəblər Birliyi (ECIS) Beynəlxalq Pedaqoq Mükafatı, 2002-ci ildə Minsk İdarəetmə İnstitutundan Fəxri Doktora, Qazaxıstan İdman və Turizm Akademiyası Taekvondo və Şərq İdmanları "Professor Adı", həmin il Oş Dövlət Universitetinin Fəxri Doktoru, 2004-cü ildə Qazaxıstan İrs Universitetinin Fəxri Doktoru, 2007-ci ildə Şimali Kipr İlin Sahibkarı Mükafatı, 201-ci ildə Avropa Beynəlxalq Mükafatı Pedaqoq Mükafatı – ECIS, 2017 Şimali Kipr Türk Respublikası Baş Nazirliyi tərəfindən mükafat, eyni il Kiriniya Müqəddəs İlarion Rotari Klubunun Peşəkar Mükafatı, Kipr Gənc Televiziyasının XX Yubiliyi Fəxri Xidmət Mükafatı və Türk Dünyası Xidmət Mükafatı (TÜRKSAV), 2018-ci ildə Qaqauziya Dövlət Medalı, 2019-cu ildə Türk Asiya Strateji Araşdırmalar Mərkəzinin Strateji Vizioner Biznesmeni Mükafatı, həmin il Türkiyə Qızıl Brend Mükafatlarında İlin Təhsil Markası Mükafatı, 2020-ci ildə Avrasiya Xidmət Ordeni və həmin il Azərbaycan Diasporla İş üzrə Dövlət Komitəsinin Təşəkkürnaməsinə layiq görülmüşdür. Akpınar Birləş Krallıqdakı Biznes Təcrübəçiləri Assosiasiyasının fəxri üzvüdür.

Şəxsi həyatı

Serhat Akpınar evlidir, iki övladı var. Onun bir qardaşı var.

İstinadlar

  1. ↑ Kyreniacatkin. . CyprusScene (ingilis). 6 Mart 2013. 2013-05-13 tarixində . İstifadə tarixi: 1 Mart 2022.
  2. ↑ . TASAM (türk). 2022-02-28 tarixində . İstifadə tarixi: 1 Mart 2022.
  3. . 2022-03-01 tarixində . İstifadə tarixi: 2022-03-01.
  4. . Girne American University (türk). 2022-03-01 tarixində . İstifadə tarixi: 2022-03-01.
  5. . Girne American University (türk). 2017-04-19 tarixində . İstifadə tarixi: 2022-03-01.
  6. . Kıbrıs Postası (türk). 9 Ekim 2016. 2022-03-01 tarixində . İstifadə tarixi: 2022-03-01.
  7. . tfrnorthcyprus (ingilis). 11 Aralık 2014. 2015-05-15 tarixində . İstifadə tarixi: 2022-03-01.
  8. . Yeni Düzen (türk). 1 Ocak 2011. 2022-03-01 tarixində . İstifadə tarixi: 2022-03-01.
  10. (türk). 22 dekabr 2017 tarixində . [ölü keçid]
  11. (türk). 22 dekabr 2017 tarixində . [ölü keçid]
  12. . 2017-12-22 tarixində . İstifadə tarixi: 2022-03-01.
  13. . DHA (türk). 7 Mayıs 2021. 2021-06-13 tarixində . İstifadə tarixi: 2022-03-01 – Hürriyet vasitəsilə.
  14. . 2016-10-24 tarixində . İstifadə tarixi: 2022-03-01.
  15. (türk). 2022-03-01 tarixində . İstifadə tarixi: 2022-03-01.
  16. . MYK Gündem (türk). 15 Aralık 2021. 2022-02-28 tarixində . İstifadə tarixi: 1 Mart 2022.

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023