Sergey İsayeviç Utoçkin (rus. Серге́й Иса́евич У́точкин; 12.7.1876, Odessa, Xerson quberniyası, Rusiya imperiyası — 13.1.1916, Sankt-Peterburq, Rusiya imperiyası) — ilk rus aviatorlarından və sınaqçı təyyarəçilərindən biri. Hərtərəfli və istedadlı idmançı. 1910–1914-cü illərdə Rusiyada aviasiyanın populyarlaşdırılmasında onun çox böyük rolu olmuşdur. Rusiya imperiyasının bir çox şəhərlərində onlarla nümayiş uçuşları həyata keçirmişdir.

Sergey Utoçkin
Doğum tarixi	30 iyun (12 iyul) 1876
Doğum yeri	Odessa, Odessa qəzası[d], Xerson quberniyası, Rusiya imperiyası
Vəfat tarixi	31 dekabr 1915 (13 yanvar 1916) (39 yaşında)
Vəfat yeri	Petroqrad, Rusiya imperiyası
Vəfat səbəbi	ağciyər iltihabı
Dəfn yeri	Aleksandr Nevski Lavranın Nikolskoye qəbiristanlığı[d]
Fəaliyyəti	pilot, yarış avtomobili pilotu[d], boksçu, futbolçu, atlet
Vikianbarda əlaqəli mediafayllar

Bakı şəhərinin üzərindən uçan ilk təyyarəni də 20 oktyabr 1910-cu ildə Sergey Utoçkin idarə etmişdir. Bu uçuşu o, həmin dövrdə aviatorlar arasında çox məşhur olan "Farman-4" fransız aeroplanı ilə yerinə yetirmiş, uçuşa baxmaq üçün 20 mindən artıq insan toplaşmışdı. 28 oktyabr tarixində təşkil edilən uçuşlarda isə dövrünün məşhur pilotlarından biri olan Adam Qaber-Vlınski (1883–1921) iştirak etmişdi.