Sen Sureni Arevşatyan (erm. Սեն Սուրենի Արևշատյան; 7 yanvar 1928, İrəvan, Ermənistan SSR, SSRİ – 25 iyul 2014, İrəvan) — Ermənistan filosofu, tarixçisi. O, 1982–2007-ci illərdə Matenadaranın direktoru olmuşdur.
| Sen Arevşatyan | |
|---|---|
| erm. Սեն Արևշատյան | |
 | |
| Doğum tarixi | 7 yanvar 1928 |
| Doğum yeri | |
| Vəfat tarixi | 25 iyul 2014(86 yaşında) |
| Vəfat yeri | |
| Vətəndaşlığı | |
| Əsas maraqları | fəlsəfə, tarix |
 Vikianbarda əlaqəli mediafayllar | |
Həyatı
Sen Sureni Arevşatyan 7 yanvar 1928-ci ildə Ermənistan SSR-nin paytaxtı İrəvan şəhərində, yazıçı Suren Qəhrəmani Arevşatyanın (1896–1972) və Suzanna Xristoforovnanın (1902–1992) ailəsində anadan olmuşdur. Böyük qardaşı Eduard Arevşatyan (1926–2007) Ermənistan SSR-nin əməkdar memarı olmuşdur. Sen Arevşatyan 1946–1951-ci illərdə İrəvan Dövlət Universitetində təhsil almışdır. O, 1954–1957-ci illərdə Ermənistan Milli Elmlər Akademiyasının (EMEA) Fəlsəfə şöbəsinin kiçik elmi işçisi, 1957–1959-cu illərdə isə böyük elmi işçisi olmuşdr. Arevşatyan 1972–1979-cu illərdə EMEA-nın Fəlsəfə və Hüquq İnstitutunun baş elmi işçisi, 1990-cı ildən isə qrup rəhbəri olmuşdur. O, 1975–1978-ci illərdə İrəvan Dövlət Universitetində dərs demişdir. Arevşatyan 1959–1982-ci illərdə şöbə müdiri, 1982–2007-ci illərdə isə Matenadaranın direktoru olmuşdur. O, 1986–1989-cu illərdə Ermənistan Mədəniyyət Fondunun təsisçi sədri olmuşdur. Arevşatyan 1972-ci ildə fəlsəfə doktoru adını qazanmışdır. 1978-ci ildə Ermənistan SSR Dövlət Mükafatına layiq görülən Arevşatyan 1996-cı ildə EMEA-nın akademiki olmuşdur. O, 25 iyul 2014-cü ildə Ermənistanın paytaxtı İrəvan şəhərində vəfat etmişdir.
İstinadlar
- ↑ Erməni Sovet Ensiklopediyası (erm.). / red. Վ. Համբարձումյան, Կ. Խուդավերդյան Հայկական հանրագիտարան հրատարակչություն, 1974.
- ↑ Erməni Qısa Ensiklopediyası (erm.). Հայկական հանրագիտարան հրատարակչություն, 1990. C. 1.
- ↑ Արևշատյան Սեն Սուրենի // .
Xarici keçidlər
- (erm.)
- Аревшатян С. С. . Телеканал «Культура». 2011. 23 sentyabr 2019 tarixində . İstifadə tarixi: 18 mart 2022.