Milli park Anina və Semeniç dağlarında yerləşir. Hər iki dağ Banat silsiləsinə daxildir. Sahəsi 36,214 hektardır. Ərazi tipik karst və meşə landşaftına malikdir. Bəzi ağacların yaşı 300-dən çoxdur. Avropanın qədim meşə sahələrindən birdir. Milli park daxilində Cheile Carasului, Izvoarele Carasului qoruqları fəaliyyət göstərir.

Karaşul dərəsi ölkənin ən uzun və ən gözəl çay dərələrindən biridir. Zəngin flora və faunası, eləcə də çoxlu karst mağaraları ilə diqqəti cəlb edir. Bəzi yerlədə çay dərəsinin divarları çox dikdir. Əhəng daşlarından ibarət olan bu divarlara yerli əhali „kesseln“ adlandırır. Çay dərəsinin sağ sahilində orta əsrlərə aid Qrat qəsrinin (1230) qalıqları yerləşir. Bölgənin ən gözəl mağaralarından biri Komarnik mağarasıdır. Mağara daxilində müxtəlif ölçülü və stalaqmitlər mövcuddur.

Milli park ərazisində 20 arxeoloji qazıntı ərazisi var. 1955-ci ildə Karaşul dərəsində 800 hektarlıq ərazi qoruq elan edilmişdir. 1973-cü ildə bura Nerakvelen meşə ərazisi də əalavə olundu. 1991-ci ildə mağaralar da qorunan təbiət abidələri elan edildi.

Milli parkda 1200 bitki növü qeydə alınib: şərq palıdı, tikanlı bigəvər, qaytarma, zəyrək və s. Ərazidə 690 heyvan növü var. Onlardan 29 növü onurğasızlardı. 45 növ isə nadir hesab olunur. Mağaralarda 16 növ yarasa yaşayır.