Kosmosda çox uzaq bir planetdə yaxşılıq və pislik arasında böyük bir mübarizə vardır. Selenanın vəzifəsi insanlara yaxşılıq, Hadesin vəzifəsi isə insanlara pislik etmək və etdirməkdir. Utopiya planetində yaxşılıq və pisliyin mübarizəsində şərin təmsilçisi Hades yaxşılığın nümayəndəsi Selenanı məğlubiyyətə uğradaraq həftənin birincisi seçilir.

Böyük Honos tərəfindən yaxşılıq və pisliyin sayına görə həftənin birincisinə mükafat, məğlub olana isə cəza verilir. Bir gün Hades Selenanı cəza olaraq bir qələmin içinə atır. Daha sonra qələmi Utopiya planetindən Dünya planetinə göndərir.

Qələm Selin Aykar, Leyla Aykar və Nazlı Aykar adlı üç bacının evlərinin bağına düşür. Selena qələmin içindən çıxmaq üçün Selin, Leyla və Nazlı adlı üç bacının ələ-ələ tutaraq 3 dəfə adını deməkləri lazımdır. Amma qızların xəbərləri yoxdur ki, Selena qələmin içindədir.

Qızların anası Gülçin Aykar evlərinin həyətində gəzərkən Selenanın içində olduğu qələmi tapır. Selena qələmin içindən çıxmaq üçün kömək istəyir. Qızların anası Gülçin Aykar və atası Gökhan Aykar Selenaya kömək etməyə qərar verirlər. Anası və atası Selenaya yardım etmək üçün qələmlə qızların məktəbinə doğru gedərkən ikisi də Hadesin təşkil etdiyi yol qəzasında ölürlər.

Ailəsindən qızlara bir neçə parça əşya və qələm qalır. Selena qızlara qələmin içindən öz çıxarları üçün bir işarə göndərir. Bunun üzərinə Selin Leyla və Nazlı əl-ələ tutaraq 3 dəfə Selena adını söyləyərək onu qələmin içindən çıxarırlar. Buna görə Selena bu üç bacıya xüsusi qüvvələr verir. Selena adı Selinin "Se"si, Leylanın "Le"si və Nazlının "Na"sı ilə yaranmışdır.