Sedat Balkanlı (15 yanvar 1965, İstanbul – 29 aprel 2009, İstanbul) — Türkiyə milli komandasının və "Qalatasaray"ın veteran futbolçusu. Sedat müdafiəçi olsa da, başla vurduğu qollarla ad-san qazanıb. Komanda yoldaşları ona "qızıl baş" ləqəbini veriblər. 1994/95 mövsümündə "Qalatasaray"ın heyətində hər 8 qola başla imza atıb. Balkanlı peşəkar futbolçu karyerasında "Qaziosmanpaşa", "Konyaspor", "Bursaspor", "Eskişeherspor" və "Fənərbaxça"nın da şərəfini qoruyub.

Sedat Balkanlı
Ümumi məlumatlar
Doğum tarixi	15 yanvar 1965(1965-01-15)
Doğum yeri	İstanbul, İstanbul ili, Türkiyə
Vəfat tarixi	29 aprel 2009(2009-04-29) (44 yaşında)
Vəfat yeri	İstanbul, İstanbul ili, Türkiyə
Vətəndaşlığı	Türkiyə
Mövqeyi	müdafiəçi
Karyerası
Klub karyerası 1983—1988 ? (?) 1988—1992 Konyaspor 47 (1) 1992—1994 Bursaspor 44 (3) 1994—1995 Qalatasaray 24 (6) 1995—1996 Əskişəhərspor 19 (0) 1996 Fənərbaxça 2 (0) Milli yığma 1993 Türkiyə 1 (1)
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. Rəsmi oyunlarda milli yığmanın heyətində keçirdiyi oyunların və vurduğu qolların sayı.

Onun ölümünə milyon nəfərdə bir rast gəlinən dəhşətli əsəb xəstəliyi () səbəb olub. Sedat bu əlacsız xəstəliyə 1997-ci ildə, 32 yaşında ikən düçar olub. Həmin vaxt həkimlər onun maksimum 2 il yaşaya biləcəyi barədə rəy veriblər. Əsəb xəstəliyi ilə mübarizə aparan Sedatın vəziyyəti tədricən pisləşməyə başlayıb. O, öncə danışmaq, daha sonra yerimək qabiliyyətini itirib. Ardından veteran futbolçunun gözlərindən başqa bütün orqanları sıradan çıxıb.

12 il xəstəlikdən əziyyət çəkən Balkanlı ömrünün son günlərini xüsusi tibbi avadanlıqların köməyi ilə keçirib.