Satake Yoşiatsu
Satake Yoşiatsu (佐竹 義敦?, 1748[1][2][…], Edo[d] – 1785[1][2][…]) və ya təxəllüsü ilə Satake Şozan (佐竹 曙山?) – Akita hanının daymyosu və Qərb rəssamlığı üzrə Akita məktəbinin qurucusu.[3] Yaponiyada Qərb rəssamlığına dair ilk nəzəri işin müəllifidir.[3]
| Satake Yoşiatsu | |
|---|---|
| yap. 佐竹義敦 | |
 | |
| Doğum tarixi | 1748[1][2][…] |
| Doğum yeri | |
| Vəfat tarixi | 1785[1][2][…] |
| Fəaliyyəti | rəssam |
 Vikianbarda əlaqəli mediafayllar | |
Satake Yoşiatsu 1748-ci ildə Edo şəhərində doğulmuş, 1748-ci ildə Akitanın daymyosu olmuşdur.[3]
1773-cü ildə yerli mis istehsalına tövsiyələr verməsi üçün Hiraqa Qennayı Akitaya dəvət etmişdir.[3] Qennay Akitada ikən Qərb rəssamlığı haqqındakı nəzəriyyələrini Yoşiatsu və Yoşiatsunun köməkçisi Odano Naotake ilə bölüşmüşdür.[3] 1778-ci ildə Naotakenin köməkliyi ilə Yoşiatsu 3 esse yazmışdır: "Rəssamlıq sənəti", "Rəssamlığı və kompozisiyanı anlamaq" və "Qırmızı və göy".[a] "Rəssamlığı və kompozisiyanı anlamaq" essesində xətti prespektivə dair diaqramlar, qarışıq spiral pilləkənlər və Qerard de Leress tərəfindən yazılmış "Böyük rəssamlar kitabı" (1707) əsasında fiqur çəkmək metodları təsvir etmişdir.[3]
Bu esselər bir eskiz dəftərində toplanmışdır və Yaponiyada Qərb rəssamlığına dair ilk nəzəri iş hesab olunur.[3] Yoşiatsu 3 eskiz dəftərinin müəllifi olmuşdur.[3] Bu eskiz dəftərlərində onun cizgi çəkmə texnikası öz əksini tapmışdır.[3] Eskiz dəftərlərində çiçəklər, quşlar, böcəklər və su canlılarının təsviri yer almışdır.[3]
- ↑ Orijinal adları, müvafiq olaraq, "Qaho koryo", "Qato rikay" və "Tanseybu" şəklindədir.
- Kodansha Encyclopedia of Japan (ingiliscə). VII cild. Tokio: Kodansha. 1983. səh. 25. ISBN 0-87011-627-4. İstifadə tarixi: 22 iyul 2022.