Beyləqan rayonu ərazisində e.ə. VII-V əsrlərə aid qəbiristanlıq. Təsadüfən 1953-ci ildə təsərrüfat işləri zamanı aşkar olunmuşdur. Təqribən 3 m dərinlikdə açılmış qəbirlərdən insan sümükləri, dəmir bıçaq, xəncər, dəhrə, tunc düymələr, bülöv daşı, nazik divarlı qara və boz rəngli təkqulp kuboklar, camlar, nehrələr, küplər, həmçinin qalın divarlı qablar və s. maddı mədəniyyət nümunələri aşkar edilmişdir. Tapıntılar Kiçik kurqanın materiallarını xatırladır. Burda yaşayan insanlar yarımköçəri həyat sürmüş, əkinçilik, maldarlıq və sənətkarlıqla məşğul olmuşlar.