Samson Pirtsxalava
Bu, tənha məqalədir, çünki hansısa məqalədən bu məqaləyə verilmiş keçid yoxdur. |
Samson Georgiyeviç Pirtsxalava (gürc. სამსონ გიორგის ძე ფირცხალავა, 3 yanvar 1872 – 26 iyul 1952, Tbilisi)) — gürcü siyasətçisi, Gürcüstan Təsis Məclisinin üzvü (1919–1921).
| Samson Pirtsxalava | |
|---|---|
| gürc. სამსონ ფირცხალავა | |
| Şəxsi məlumatlar | |
| Doğum tarixi | 3 yanvar 1872 |
| Vəfat tarixi | 26 iyul 1952 (80 yaşında) |
| Vəfat yeri | |
| Fəaliyyəti | publisist |
Samson Pirtsxalava Georgi Pirtsxalava və Barbala Çirqadzenin ailəsində anadan olmuşdur. Oxumağı və yazmağı böyük qardaşlarından, sonra yerli kilsənin dekonundan öyrənmişdi. Xoni şəhərində iki illik məktəbi,1893-cü ildə Kutaisi klassik gimnaziyasını, 1898-ci ildə Sankt-Peterburq İmperator Universitetinin hüquq fakültəsini bitirib. Sankt-Peterburqda olarkən gürcü diasporunun fəalları İvane Cavaxişvili, Zurab Avalişvili, Qriqol Rtsxiladze, İosif Barataşvili, Arçil Djordjadze, İlya Nakaşidze və Luarsab Andronikaşvili ilə dostluq münasibətləri qurdu.
1893-cü ildən ədəbi yaradıcılıqla məşğul olur. 1901–1902-ci illərdə "İveriya" qəzeti ilə əməkdaşlıq etmişdir. Yazıları "Kalami" (qələm) və "Sitkva" (söz) təxəllüsləri ilə nəşr edilmişdir.
Gürcüstan Sosialist-Federalist Partiyasının qurucularından biri (1901) və rəhbəri, "Qlexi" qəzetinin ("Krestianin", 1906) qurucularından və redaktorlarından biri idi. 1902–1910-cu illərdə fəaliyyət göstərmiş Elmin Təşviqi Cəmiyyətinin katibi olub. 1908-ci ildə Akaki Tseretelinin yubiley komitəsinin katibi seçildi. 1910-cu ildə Tverə sürgün edildi, 1913-cü ildə geri qayıtdı. 1917–1921-ci illərdə Xalq qəzetinə rəhbərlik edib.
İlya Çavçavadze, Kraliça Tamara, qədim Mesxetiya, Gürcüstanın qədim tarixi haqqında tarixi əsərlərin müəllifidir. 1907-ci ildə İlya Çavçavadzenin haqqında toplunun müəllifi olub.
1917–1919-cu illərdə Gürcüstan Milli Şurasının, 1919–1921-ci illərdə Gürcüstan Təsis Məclisinin üzvü olub. 26 may 1918-ci ildə Gürcüstanın İstiqlal Bəyannaməsini imzalayır.[1]
Gürcüstanın sovetləşməsindən sonra (1921-ci ilin fevral-martı) ölkədən mühacirət edir, 1922–1946-cı illərdə Fransada yaşayır. Fransada ictimai, siyasi və jurnalist fəaliyyətləri ilə məşğul olur.
Samson Pirtsxalava 1946-cı ildə Vətəninə geri qayıdır.[2]
Samson Pirtsxalava 1951-ci ildə "anti-sovet elementi" ünsürü adı ilə həbs edilir. Elə həmin il dekabrın 25-də Orta Asiyaya sürgün edilir.1952-ci ildə sürgündə vəfat edir.
- ↑ "Remix of "საქართველოს დამოუკიდებლობის დეკლარაცია" by Liza Buskhrikidze". 2019-08-03 tarixində arxivləşdirilib. İstifadə tarixi: 2021-10-15.
- ↑ Каталог РНБ
- Иремашвили Н. А. Общественно-политические взгляды Самсона Пирцхалава. Автореферат диссертации на соискание учёной степени кандидата исторических наук. Тбилиси. 1992.
- სიდამონიძე უ., ქართული საბჭოთა ენციკლოპედია, ტ. 10, გვ. 332, თბ., 1986 წელი.
- Эбралидзе М. "Видный публицист, общественный и политический деятель". Тбилисская неделя. 2017-11-01. 2019-10-13 tarixində orijinalından arxivləşdirilib. İstifadə tarixi: 2019-10-13.
- საქართველოს დემოკრატიული რესპუბლიკა (1918–1921)
- სამსონ გიორგის ძე ფირცხალავა