Salvatore Adamo
Salvatore Adamo (it. Salvatore Adamo; 1 noyabr 1943[1][2][…], Komiso[d], İtaliya krallığı[3][4][…]) — italyanəsilli belçikalı şansonye, romantik balladaları ilə tanınan müğənni və bəstəkar.
| Salvatore Adamo | |
|---|---|
| it. Salvatore Adamo | |
 | |
| Ümumi məlumatlar | |
| Ləqəbi | Adamo |
| Doğum tarixi | 1 noyabr 1943[1][2][…] (81 yaş) |
| Doğum yeri |
|
| Musiqiçi məlumatları | |
| Fəaliyyəti | musiqiçi, müğənni, mahnı yazarı[d], səsyazma sənətçisi[d], kinorejissor, ssenarist |
| Fəaliyyət illəri | 1963-cü ildən |
| Janrlar | ballada, şanson |
| Musiqi alətləri | gitara |
| Albom şirkətləri | EMI[d] |
| Mükafatları |
    |
| adamosalvatore.com | |
 Vikianbarda əlaqəli mediafayllar | |
Adamo İtaliyanın Siciliya əyalətinin Komiso şəhərində anadan olub və üç yaşından Belçikada yaşayıb, buna görə də onun ikili vətəndaşlığı var. 1964-cü ilə qədər o, dünyada albomların satışına görə yalnız "The Beatles" qrupundan geri qalırdı. Karyerası ərzində o, dünya üzrə 80 milyondan çox albom və 20 milyon sinql satmaqla ən populyar belçikalı sənətçi və dünyada kommersiya baxımından ən uğurlu musiqiçilərdən biridir.
O, əvvəlcə bütün Avropada, daha sonra isə Yaxın Şərq, Latın Amerikası, Yaponiya və ABŞ-də populyarlıq qazandı. Adamo əsasən fransız dilində ifa edir, eyni zamanda italyan, holland, ingilis, alman, ispan, yapon və türk dillərində də oxuyub. "Tombe la neige", "La nuit", "Vous permettez, Monsieur?", "Inch'Allah" və "C'est ma vie" onun ən məşhur mahnıları olaraq qalır.
2001-ci ildə Adamo Belçikanın cəngavər titulu sayılan Ridder tituluna layiq görülmüşdür.
1947-ci ildə Salvatorenin atası Antonio Adamo Belçikanın Mons şəhərində mədəndə işə düzəldi və həyat yoldaşı Konçita və ilk oğulları Salvatore ilə İtaliyadan mühacirət etdi. On üç il sonra Adamo ailəsinin iki oğlu və beş qızı var idi. Valideynləri övladlarının köklərini xatırlaması üçün hər şeyi edirdilər və atasının xatirəsinə Salvatore İtaliya vətəndaşlığını saxladı.
Məktəbli ikən Salvatore kilsə xorunda oxuyur və gitara çalmağı öyrənirdi. Məktəbi bitirdikdən sonra məktəbdə xarici dil müəllimi olmaq niyyətilə katolik kollecində təhsilini davam etdirdi, lakin özünü musiqiyə həsr etməyə qərar verdiyi üçün təhsilini başa vurmadı.
50-ci illərin sonlarından Salvatore bir sıra musiqi müsabiqələrində iştirak edib. 1959-cu ilin dekabrında "Radio Lüksemburq" radiostansiyası Mons Kral Teatrında keçirilən gənc istedadlar müsabiqəsinin canlı yayımını təşkil etdi, 16 yaşlı Salvatore öz bəstəsi olan Si j'osais ("Əgər cəsarət etsəydim") mahnısını ifa etdi. 1960-cı il fevralın 14-də Parisdə keçirilən müsabiqənin finalında bu mahnı birinci yeri tutur. Bundan sonra Adamo üç il ərzində bir neçə plastinka yazdırdı, lakin oblarla uğur qazana bilmədi. 1962-ci ilin dekabrında "Pate-Markoni" şirkəti atasının narahatlığını nəzərə alaraq, Salvatorenin "En blue jeans et blouson d’cuir" ("Mavi cins və dəri gödəkçədə") mahnısını yazdırmağa qərar verdi. Şirkət əməkdaşlığın gələcəkdə davam etdirilməsinin şərti kimi ilk gündə ən azı iki yüz plastinka satılmasını qoydu. İlk gündə bundan on dəfə çox, növbəti ilin fevralınadək isə yüz min plastinka satıldı. Eyni zamanda, "Polydor" studiyası aralarında "Si j'osais" mahnısının da olduğu səkkiz mahnıdan ibarət plastinka buraxdı. 1963-cü ildə Salvatore Adamo Sans toi, ma mie ("Sənsiz, əzizim") mahnısını yazdı, bu, öz fikrincə, onun populyarlığa gedən yolunu açdı. 1963-cü ildə Adamo Tombe la neige "Qar yağır" mahnısını yazdı. Tezliklə dünya şöhrəti qazanan bu mahnı hələ də müəllifin vizit kartı olaraq qalır.
1 noyabr 1963-cü ildə, iyirminci ad günündə Salvatore Adamo Brüsselin əsas konsert səhnələrindən birində — Ancienne Belgique teatrında çıxış etdi. Bir müddət sonra isə Parisdəki Olimpiya səhnəsinə ayaq basdı. O, həmin illərin artıq tanınmış ulduzları olan Kliff Riçard və Shadows instrumental ansamblının çıxəşlarından əvvəl səhnəyə çıxırdı. 1965-ci ilin sentyabrında Salvatore Adamo Olimpiyada ilk solo konsertini verdi. Sonra 1977-ci ilə qədər dəfələrlə bu ən nüfuzlu fransız səhnəsində çıxış etdi.
1984-cü ildə keçirdiyi infarkt Salvatore Adamonu uzun müddət aktiv işini dayandırmağa məcbur etdi. Müğənninin populyarlığında yeni bir yüksəliş 1998-ci ildə, demək olar ki, iyirmi illik fasilədən sonra "Olimpiya"da keçirilən konsertlə yenidən başladı.
2004-cü ildə səhhətində yaranan problemlər Adamonun aktiv işini yenidən yarımçıq qoysa da, müalicədən sonra o, dünya turnesini bərpa etdi.
1969-cu ilin fevralında Salvatore Adamo uşaqlıq dostu Nikol Düranla evləndi. Salvator Adamonun üç övladı var — oğulları Entoni (d. 1969, mülki aviasiya pilotu) və Benjamin (d. 1980, rok musiqiçisi) və qızı Ameli (d. 1979). Salvatore Adamo Petit bonheur mahnısını ilk övladının doğulmasına həsr edib.
- 1998: Regards
- 2001: Par les Temps qui Courent
- 2002: Les mots de l'âme (compilation)
- 2003: C'est Ma Vie — Anthologie (compilation)
- 2003: Zanzibar
- 2004: Un soir au Zanzibar (canlı kompilyasiya və DVD)
- 2005: Platinum Collection (compilation)
- 2007: La Part de l'ange
- 2008: Le Bal des gens bien (digər ifaçılarla duetdə 18 mahnı)
- 2010: De Toi à Moi (29 noyabr 2010)
- 2012: La grande roue
- 2014: Adamo chante Bécaud
- 2016: L'Amour n'a jamais tort
- ↑ 1 2 Salvatore Adamo // todotango.com (isp.).
- ↑ 1 2 Adamo // filmportal.de. 2005.
- ↑ 1 2 maniadb (ing.). 1996.
- ↑ 1 2 YouTube video.