Sadıq Hüseynov (kimyaçı)
Hüseynov Sadıq Cavad oğlu (1 may 1883 – 1952, Bakı) - görkəmli kimyaçı alim, əməkdar elm xadimi, professor
| Sadıq Hüseynov | |
|---|---|
| Doğum tarixi | |
| Vəfat tarixi | |
| Vəfat yeri | Bakı |
| Təhsili | Darmştadt Ali Texniki Məktəbi, 1910[1] |
1 may 1883-cü ildə anadan olmuşdur. 1904-cü ildə orta təhsilini Bakı Realnı Məktəbində aldıqdan sonra, Almaniyanın Darmştad Kimya Texnologiya İnstitutuna qəbul olmuş və oranı 1910-cu ildə bitirərək kimyaçı-mühəndis ixtisasına yiyələnmişdir. 1913-cü ildə Kiyev Tibb İnstitutuna daxil olmuşdur. 1917-ci ildə Bakıya qayıtmış, 1920-ci ildə açılan birillik müəllimlik kurslarının təşkilatçılarından biri olmuş və sonra onun əsasında yaranan Azərbaycan Pedaqoji İnstitutunda 1927-ci ilədək Kimya kafedrasının müdiri işləmişdir. Eyni zamanda, Azərbaycan Tibb İnstitutu (ATİ) və Azərbaycan Sənaye İnstitutunda kimyadan mühazirələr oxumuşdur. 1927-ci ildən BDU-da işləmişdir. 1936-cı ildə BDU-da, bir az sonra ATİ-də Qeyri-üzvi kimya kafedrasının müdiri təyin edilmişdir. 1921-ci ildən başlayaraq 1952-ci ilə qədər həmin tədris ocaqlarında kimyadan dərs demiş, Qeyri-üzvi kimya kafedrasına rəhbərlik etmişdir.[2]
Azərbaycan dilində kimya terminologiyasının əsasını təşkil edən, orta və ali məktəblər üçün kimya üzrə ilk dərslikləri tərtib etmişdir,[3][4]
Buruq sularından ozon üsulu ilə yodun, bromun alınması, işlənmiş sulfat turşusunun təmizlənməsi üsullarını işləyib hazırlayıb.
1939-cu ildə professor, 1943-cü ildə isə Azərbaycanın əməkdar elm xadimi fəxri adı almışdır.[5]
Yusif Məmmədəliyevin müəllimi olmuşdur.[6]
- ↑ "Arxivlənmiş surət". 2018-05-14 tarixində arxivləşdirilib. İstifadə tarixi: 2018-05-02.
- ↑ "Azərbaycanda yüksəkixtisaslı kimyaçılar hazırlayan elm mərkəzi". 2024-09-04 tarixində arxivləşdirilib. İstifadə tarixi: 2024-11-14.
- ↑ https://s.eduherald.ru/pdf/2021/2/20435.pdf Arxiv surəti 19 mart 2022 tarixindən Wayback Machine saytında МЕТОДЫ ВНЕКЛАССНОЙ ДЕЯТЕЛЬНОСТИ В СРЕДНИХ ШКОЛАХ
- ↑ Mir-Babayev, Mir-Yusif. AZƏRBAYCAN NEFTİNİN QISA TARİXİ (İKİNCİ KİTAB). 2015. 84.
- ↑ "HÜSEYNOV SADIQ CAVAD OĞLU". 2023-09-21 tarixində arxivləşdirilib. İstifadə tarixi: 2024-11-14.
- ↑ "Tarixin istiqamətini dəyişən alim – Yusif Məmmədəliyev". 2024-02-23 tarixində arxivləşdirilib. İstifadə tarixi: 2024-11-14.