Sabırbek Mambetsadıqoviç Akılbekov (qırğ. Сабырбек Мамбетсадыкович Акылбеков; 15 (28) fevral 1914 – 15 aprel 1968, Bişkek) — Qırğızıstan-sovet rəssamı. Qırğızıstan SSR-nin ilk rəssamlarından olmuşdur. Qırğızıstan SSR əməkdar incəsənət xadimi olmuşdur.
| Sabırbek Akılbekov | |
|---|---|
| qırğ. Сабырбек Мамбетсадыкович Акылбеков | |
| Doğum tarixi | 15 (28) fevral 1914 |
| Vəfat tarixi | 15 aprel 1968 (54 yaşında) |
| Vəfat yeri | |
| Fəaliyyəti | incəsənət xadimi |
| Janr | portret |
| Mükafatları |
|
Həyat və yaradıcılığı
Sabırbek Mambetsadıqoviç Akılbekov 15 fevral 1914-cü ildə Rusiya imperiyasında, indiki Qırğızıstanın Çuy vilayəti ərazisində anadan olmuşdur. O, 1936–1939-cu illərdə Moskva Rəssamlıq Məktəbində oxumuşdur. 1961-ci ildən Sovet İttifaqı Kommunist Partiyası üzvüdür. "Qırğızıstan tarlalarında" (1954), "Yaylaqda" və "Tayalar" (hər ikisi 1958), "97-ci kilometrdə" (1960), "Toktoqulun vətəni" (1965) və s. lirik, emosional mənzərə əsərlərinin müəllifidir. Sabırbek Akılbekov 15 aprel 1968-ci ildə, 54 yaşında Qırğızıstan SSR-nin paytaxtı Bişkek şəhərində vəfat etmişdir.
Təltif və mükafatlar
Sabırbek Akılbekov 1958-ci ildə Qırğızıstan SSR əməkdar incəsənət xadimi adına layiq görülmüşdür. O həmçinin, "Şərəf nişanı" ordeni ilə təltif edilmişdir.
İstinadlar
- ↑ Акылбеков Сабырбек Мамбетсадыгович // Азәрбајҹан Совет Енсиклопедијасы: [ 10 ҹилддә]. I ҹилд: А— Балзак. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1976. С. 200.
Əlavə ədəbiyyat
- Акылбеков Сабырбек Мамбетсадыкович — статья из Большой советской энциклопедии.
- Энциклопедический словарь. 2009.