1960-cı ildə İstanbulda anadan olmuşdur. Rəssamlıq təhsilinə 1978-ci ildə İngiltərədəki Ekseter Universitetində rəssamlıq, fotoqrafiya və teatr sahəsində başlamışdır. 1980–1982-ci illərdə Ekseter İncəsənət Dizayn Kollecində rəssamlıq və heykəltaraşlıq təhsili alıb. 1984-cü ildə Mərmərə Universiteti Gözəl Sənətlər Fakültəsinin Rəssamlıq fakültəsini bitirib. İlk fərdi sərgisini 1986-cı ildə İstanbulda açıb.

İstanbuldakı emalatxanasında işlərini davam etdirir. Rəssamı və əsərlərini daha yaxşı başa düşmək üçün 2013-cü ildə Fərid Edgünün yazdığı 'Selma Gürbüz üçün Üç Yazı' adlı bələdçi kitabı nəşr olunur.

Rəsmlərində daha çox təbiətdən, heyvanlardan və canlılardan istifadə edən rəssam, "Oxuduğum əfsanələrin, nağılların, təxəyyülün və təcrübələrin təsiri ilə təbiətə fərqli gözlərlə baxmaq ehtiyacı hiss edirəm. Bu heyvanlar və canlılar çox gözəl bir şeyə sahibdirlər. Həmişə şüuraltımda olub. Bəlkə də onlar daha yaxın vaxtlarda peyda olublar. Daha çox ruh fiqurlarına bənzəyirlər. Bu canlılar təbiətdəki kabuslar kimidir. Mən onları təbiətdəki canlılardan ayrı saxlamıram. Onlar təbiətin bir hissəsi kimidir".

Səlma Gürbüz Artprice tərəfindən hazırlanan 2016-cı ildə dünyanın ən çox satılan 500 müasir rəssamı siyahısında 425-ci yerdə qərarlaşmışdır. Bir müddət xərçəng xəstəliyindən müalicə görərkən Covid-19-a tutulan sənətçi 22 aprel 2021-ci ildə 61 yaşında İstanbulda vəfat edir.