Səid Əli oğlu Nəcəfzadə (14 yanvar 1999, Sumqayıt) — Azərbaycanı təmsil edən yüngül atlet. 2020-ci ildə baş tutan XVI Yay Paralimpiya Oyunlarında bürünc medala sahib olub. 2024-cü il Paris Yay Paralimpiya Oyunlarında isə kişilər arasında uzunluğa tullanma T12 kateqoriyasında Paralimpiya çempionu olub.
| Səid Nəcəfzadə | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Şəxsi məlumatlar | ||||||||||||||
| Tam adı | Səid Əli oğlu Nəcəfzadə | |||||||||||||
| Vətəndaşlığı | ||||||||||||||
| Doğum tarixi | 14 yanvar 1999 (25 yaş) | |||||||||||||
| Doğum yeri | ||||||||||||||
| Karyera illəri | 2009–h. h. | |||||||||||||
| Məşqçiləri | ||||||||||||||
|
Medallar
|
||||||||||||||
 Vikianbarda əlaqəli mediafayllar | ||||||||||||||
.svg){kind=logo}
Həyatı
Səid Nəcəfzadə 1999-cu il yanvarın 14-də Sumqayıt şəhərində anadan olub. 2005–2016-cı illərdə Sumqayıt şəhərində F. Piriyev adına 18 nömrəli tam orta məktəbdə təhsil alan Səid Nəcəfzadə, ali təhsilini 2016–2020-ci illərdə Azərbaycan Dövlət Bədən Tərbiyəsi və İdman Akademiyasında (ADBTİAA) alıb. 2009-cu ildən idmanla məşğul olur. Şəxsi məşqçisi Vladimir Zayetsdir.
Karyerası
Səid Nəcəfzadə 2016-cı ilin may ayında uzunluğa tullanma üzrə şəhər çempionatının qalibi oldu.
2019-cu ilin iyul ayında o, Tunisdə baş tutan beynəlxalq turnirdə 6.80 metr nəticə ilə gümüş medala sahib oldu.
2021-ci ilin iyun ayında Səid Nəcəfzadə Polşada baş tutan Avropa Çempionatında 6.96 metr nəticə ilə turnirin qalibi oldu.
2020-ci ilin avqust ayında isə Səid Nəcəfzadə Yaponiyada baş tutan XVI Yay Paralimpiya Oyunlarında mübarizə apardı. Uzunluğa tullanma turnirində Səid Nəcəfzadə 7.02 metr nəticə ilə bürünc medala sahib oldu.
Azərbaycan Prezidenti İlham Əliyevin 6 sentyabr 2021-ci il tarixli Sərəncamına əsasən XVI Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə Səid Əli oğlu Nəcəfzadə 3-cü dərəcəli "Vətənə xidmətə görə" ordeni ilə təltif edildi.
2024-cü ildə Yaponiyada keçirilmiş dünya çempionatında T12 kateqoriyasında uzunluğa tullanma üzrə yarışda 7,30 metr nəticə ilə qızıl medal qazanmışdır. O, həmin ilin avqust-sentyabr ayında keçirilən 2024 Yay Paralimpiya Oyunlarında T12 kateqoriyasında uzunluğa tullanma üzrə yarışda 7,27 metr nəticə ilə Paralimpiya çempionu olub.
Prezident İlham Əliyevin 10 sentyabr 2024-cü il tarixli sərəncamı ilə Səid Nəcəfzadəyə XVII Yay Paralimpiya Oyunlarında birinci yeri tutduğuna görə 200 000 manat, məşqçisinə isə 100 000 manat pul mükafatı verilmişdir. Prezidentin eyni tarixli digər sərəncamı ilə o, həmçinin 1-ci dərəcəli "Vətənə xidmətə görə" ordeni ilə təltif edilib.
İstinadlar
- . Report İnformasiya Agentliyi (az.). 2024-09-02. 2024-09-02 tarixində . İstifadə tarixi: 2024-09-02.
- Azərbaycan Dövlət İnformasiya Agentliyi. . www.azertag.az ( (az.)). 06.09.2022. 2022-08-05 tarixində . İstifadə tarixi: 05.08.2022.
- . Oxu.az. 20 may 2024. İstifadə tarixi: 20 may 2024.
- . Report İnformasiya Agentliyi (az.). 2024-09-02. 2024-09-02 tarixində . İstifadə tarixi: 2024-09-03.
- . president.az (az.). 2024-09-10. 2024-09-10 tarixində . İstifadə tarixi: 2024-09-22.
- . president.az (az.). 2024-09-10. 2024-09-10 tarixində . İstifadə tarixi: 2024-09-22.