Səidə Məmmədova (tam adı:Məmmədova Səidə Müslüm qızı; 25 may 1942, Naxçıvan) — xormeyster. Azərbaycan Respublikası əməkdar mədəniyyət işçisi, Naxçıvan Muxtar Respublikasının əməkdar incəsənət xadimi.
| Səidə Məmmədova | |
|---|---|
| Doğum tarixi | 25 may 1942 (82 yaş) |
| Doğum yeri | |
Həyatı
Məmmədova Səidə Müslüm qızı 25 may 1942-ci ildə Naxçıvan şəhərində anadan olmuşdur.
Təhsili
1960-cı ildə Asəf Zeynallı adına Bakı Musiqi Texnikumunu və 1969-cu ildə Azərbaycan Dövlət Konservatoriyasının (indiki Bakı Musiqi Akademiyası)nın xor dirijorluğu fakültəsini bitirmişdir.
Fəaliyyəti
Əmək fəaliyyəti
1969–75-ci illərdə Naxçıvan şəhər musiqi məktəbində müəllim və 1975–94-cü illərdə orta ixtisas musiqi məktəbinin direktoru olmuşdur. 1994-cü ildən Naxçıvan Dövlət Universitetində ifaçılıq kafedrasının müdiridir. 1999-cu ildən dosentdir. Muxtar Respublikada xor kollektivlərinin yaranması və inkişafında xidməti var. Bir sıra el şənliklərinin bədii rəhbəri və onlarla mahnı müəllifidir. 1978-ci ildən Azərbaycan Bəstəkarlar İttifaqının üzvüdür.
Təflif və fəxri adları
- 1977 — Naxçıvan Muxtar Respublikasının əməkdar incəsənət xadimi
- 1988 — Azərbaycan Respublikası əməkdar mədəniyyət işçisi
- 2007 Azərbaycan Respublikası Prezidentinin fərdi təqaüdü
Mənbə
- Naxçıvan Ensiklopediyası. Bakı. 2002. səh. 317. ISBN 5-8066-1468-9.
- . 2022-09-27 tarixində . İstifadə tarixi: 2022-09-27.