Səda Əl Şəbəb adı ilə çap edilmiş tələbə dərgisi ərəbcə ara-sıra müxtəlif məktəblər tərəfindən yayımlanıb. Vaxtilə şəhərin bir məktəbinin çıxardığı "Səda Əl Şəbəb"in ilk sayı 1949-cu il aprelin 23-üdə nəşr edilib. Dərgi 9x23 ölçüsündə, 24 səhifədən ibarət idi. Üzərində mətbəə adı qeyd edilməyən dərginin Bağdadda çap edilməsi ehtimal olunur. Jurnalın 1950-ci il may sayı "Əl İxlas" adıyla işıq üzü görsə də, birinci səhifəsində sonradan ayrıca kağıza çap edilmiş "Səda Əl Şəbəb" adı yapışdırılıb. Buna səbəb dərginin təsisçisi haqqında adının olduğu kimi qalmalı olması ilə əlaqədardır. Jurnalın bu sayı 40 səhifədən ibarət olub Bağdadda "Əl Ərəbiyyə" mətbəssində işıq üzü görüb.

Bu nömrədə Kərküklü şair Hicri Dədənin türk dilində mənzuməsinə də yer ayrılıb. Dərginin 1952-ci il fevral sayı də Bağdadda dərc edilib. 1958-ci ilin yanvar sayı müəllimlər Məhəmməd Əl Şeyxlə Mahmud Əl Ubeydinin nəzarəti altında hazırlanaraq Kərkükdə "Şimal" mətbəəsində çap edilib. Kərkük Qərbiyyə orta məktəbinin "Səda Əl Şəbəb" adı ilə çap etdirdiyi dərginin ilk sayı 1950-ci il yanvarın 1-i, ikinci sayı 1950-ci il dekabrın 18-i, üçüncü sayı 1950-ci il dekabrın 24-ü, dördüncü sayı 1952-ci il yanvarın 6-sı Bağdadda "ƏL Nəcah" mətbəəsində işıq üzü görüb. Dərginin 1955-ci il aprel, 1957-ci il mart, 1958-ci il mart tarixli nömrələri müəllim Sinan Saidin nəzarəti ilə Bağdadda "Əsəd" mətbəəsində dərc edilib. Beləliklə, 11 sayından sonra "Səda Əl Şəbəb"ın digər saylarının çap edilməsi ehtimal olunmur.

• İraqda qətlə yetirilmiş əcnəbi jurnalistlərinin siyahısı