Rzaqulu mirzə Qovanlı-Qacar

Rzaqulu mirzə Bəhmən mirzə oğlu Qovanlı-Qacar (1837, Təbriz – 1894, Şuşa) — Çar ordusunun generalı, Bəhmən mirzə Qovanlı-Qacarın oğlu.

Rzaqulu mirzə Qovanlı-Qacar
Şəxsi məlumatlar
Doğum tarixi	1837
Doğum yeri	Təbriz, Təbriz şəhristanı, Şərqi Azərbaycan ostanı, İran
Vəfat tarixi	1894
Vəfat yeri	Şuşa, Şuşa qəzası, Yelizavetpol quberniyası, Rusiya imperiyası
Hərbi fəaliyyəti
Qoşun növü	süvari
Rütbəsi	general, general-mayor
Komandanlıq edib	Leyb-Qvardiyanın Qafqaz eskadronu
Döyüşlər	Qafqaz müharibəsi, Rus-türk müharibəsi

Həyatı

Rzaqulu mirzə Bəhmən mirzə oğlu 1837-ci ildə Təbriz şəhərində anadan olmuşdu. Ailə təlim-tərbiyəsi, təhsili almışdı. Rus ordusunda xidmət etmişdi. Xidmətə Qafqaz eskadronunun leyb-qvardiyasında kornet kimi başlamışdı. 1862-ci il, 1864-cü il dağlılar əleyhinə yürüşdə iştirak etmişdi.

Rzaqulu mirzə 1874-cü ildə Sırdərya yürüşünün iştirakçıları arasında idi. 1877–1878-ci illər rus-osmanlı savaşında dəstəsinin başında döyüşmüşdü.

Rzaqulu mirzə 1883-cü ildə general-mayor rütbəsinədə ehtiyata buraxılmışdı. O, 1894-cü ildə vəfat edib.

Rzaqulu mirzənin Əkbər mirzə Qovanlı-Qacar, Fətəli mirzə Qovanlı-Qacar adlı oğulları, Dilşad xanım adlı qızı vardı.

Mükafatları

Rzaqulu mirzə Rusiyanın bir çox orden-medallarını almışdı. 1873-cü ildə tac ordeninə layiq görülmüşdü. Fransanın "Maarif qarşısındakı xidmətlərinə görə" ordenini almışdı.

Mənbə

• Ənvər Çingizoğlu. Qacarlar və Qacar kəndi. Bakı: "Şuşa", 2008, 334 səh.