Rozi Alfaro Kaliforniya ştatının Anahaym şəhərində böyüyüb. O, 13 yaşında narkoman, 14 yaşında fahişə, 15 yaşında tək ana, 18 yaşında 4 uşaq anası və həmçinin, 18 yaşında qatıl oldu. O, Kaliforniyanın Orinc qraflığında 20 yaşında ölüm cəzasını almış ilk qadın kimi məşhurdur.

15 iyun 1990-cı ildə Kaliforniya ştatının Anahaym şəhərində yaşayan 9 yaşlı Otem Volles evdə anasının və böyük bacısının işdən evə qayıtmasını gözləyirdi. Alfaro Volles Otemin ailəsini çox yaxşı tanıyırdı və böyük qızlarından biri ilə dost idi. O, onların evdə olmadığını bilib satmaq üçün evdən əşyalar oğurlaya biləcəyini düşündü.

Otem vanna otağından istifadə etmək istəyən bacısının dostu Alfaro üçün qapını açdı. O, evin arxasənda yerləşən qonaq otağına getmədən əvvəl mətbəxdən bir bıçaq götürdü. Sonra o, Otemi aldadıb vanna otağına apardı və 57 bıçaq zərbəsi vurdu. Alfaro daha sonra narkotik maddə əldə etmək üçün bir şey oğurlamaq məqsədilə evi axtardı. Oğurlanan əmlak daha sonra 300 dollardan ucuz satıldı.

Alfaro istintaqda Otemi bıçaqlayanda yüksək dozada heroin və kokain (qətlin 36 ilə 48 saatı içərisində həbs olunmadığı və narkotik testi edilmədiyi üçün heç vaxt sübut edilmədi)istifadə etdiyini ifadə edərək cinayəti boynuna aldı. Daha sonra o, hekayəsini dəyişdi və naməlum bir adamın onu balaca qızı bıçaqlamağa məcbur etdiyini iddia etdi. Hələ bir müddət sonra Alfaro polisə iki kişinin onu Vollesin evinə apardığını və adamlardan birinin evə daxil olub onu Otemi öldürməyə məcbur etdiyini bildirdi. O, adamı müəyyənləşdirməkdən imtina etdi. Cinayət yerindən alınan dəlillər yalnız həmin gün Volles ailə üzvlərinin və Alfaronun(qana bulaşmış ayaqqabı və barmaq izlərinə əsasən) evdə olduğunu göstərdi.

Alfaro qaz kamerasında ölmünə fərman verilən ilk qadın idi və Kaliforniyada hökm çıxarılan zaman ölüm cərgəsində olan üçüncü qadın idi.

2007-ci ilin avqustunda Kaliforniya Ali Məhkəməsi Alfaronun ölüm hökmünün qüvvədə saxlanılması üçün yekdilliklə səs verdi.