Ronald Din Koleman 13 may 1964-cü ildə Luiziana ştatının Monro şəhərində anadan olmuşdur. Daha sonra ailəsi qonşu Bastrop şəhərinə köçmüşdür. Ronninin anası Cessi Benton fiziki cəhətdən çox zəif qadın idi və Ronnini dünyaya gətirən zaman ölüm təhlükəsini belə yaşamışdır. Yeni dünyaya gəlmiş Ronninin ölçüləri həkimləri belə qorxuya salmışdır. Ronni 12 yaşında olan zaman artıq onun fenomen genetik quruluşu diqqəti cəlb edirdi: boy — 180 sm, çəki — 80 kq.

Koleman 1986-cı ildə Qremblinq Dövlət Universitetini (GSU) bitirmiş və mühasibat uçotu ixtisasına yiyələnmişdir. Ronni iki il fastfud restoran şəbəkələrində mühasib işləmişdir. Daha sonra Ronni anlamışdır ki, mühasiblik onun üçün deyil və uşaqlıq arzusunu həyata keçirmək məqsədi ilə polis məktəbinə ərizə ilə müraciət etmişdir.

İlk vaxtlar Ronni daha çox məşğul olurdu. Bir gün polis həmkarları onu yeni açılmış "Metrofleks" trenajor zalına dəvət etdilər. Bu an Ronni Kolemanın bodibildinq karyerasının başlanğıcı idi. 1991-ci ildən Ronni bodibildinqlə peşəkar şəkildə məşğul olmağa qərar verdi. 2007-ci ildə Ronni Mister Olimpiya müsabiqəsində dördüncü yer tutduqdan sonra idman karyerasını bitirdiyini açıqladı.

Koleman Texas ştatının (Arlinqton şəhəri) ehtiyatda olan polis işçisidir. Ronni Koleman 43 yaşında, 2007-ci ilin dekabrında livan-fransız mənşəli Rouede Kristin Açkar (Rouaida Christine Achkar) ilə ailə həyatı qurdu, ancaq bu evlilik uzun çəkmədi və ayrıldılar. 11 aprel 2016-cı ildə Koleman şəxsi məşqiçisi Syuzan Uilyamson ilə ailə qurdu. Onların 4 qızı var.

• Boy — 180 sm
• Yarış öncəsi çəkisi — 133 kq
• Yarışdan kənar çəkisi — 149 kq
• Biseps — 61 sm
• Bud — 87 sm
• Döş qəfəsi — 148 sm
• Bel — 87 sm

• 2004-04-05 at the Wayback Machine (ing.)
•  (rus.)
•  (rus.)