Hofman 5 avqust 1967-ci ildə Kaliforniyanın şəhərində dünyaya gəlib.

Hofman Putni məktəbində (ing. The Putney School) oxuyub sonra Stenford Universitetinə daxil olub. O, burada Marşall təqaüdü və "Dinkelspiel Award"a layiq görülüb. Koqnivistika sahəsində ixtisaslaşma üzrə təbiət elmləri bakalavr dərəcəsi ilə 1990-cı ildə universiteti bitirib. Hofman Oksfordda təhsilini davam etdirib, 1993-cü ildə fəlsəfə sahəsində magistr dərəcəsinə sahib olub,

lakin daha sonra sahibkar olmağı elm adamı olmaqdan üstün tutdu. Hofmanın sözlərinə görə, akademik karyera onu "təsir" göstərmək imkanı ilə cəlb edirdi, amma sonra o anladı ki, sahibkar karyerası daha çox perspektivlidir. Hofman yazır:

"Mən Stenfordu bitirib, professor və ictimai xadim olmağa hazırlaşırdım, amma anladım ki, professorların yazdığı kitabları 50–60 insan oxuyur, amma mən böyük təsirlər istəyirdim".

O, "Apple Computer"də və "Fujitsu"da məhsul idarəetmə sahəsində işləyib.

Rid Hofman ilk şirkətini — SocialNet.com internet-tanışlıq xidmətini 1997-ci ildə yaradır. 1999-cu ildə o, uğursuz layihəni tərk edir. Hofman yaratdığı SocialNet.com şirkətini Silikon vadisi üçün "adi tarix" adlandırır: "Onda mən düşünürdüm ki, şirkətin əsası üçün ən yaxşı vaxt — iqtisadi yüksəliş dövrüdür, amma əslində tənəzzüldə başlamaq daha yaxşıdır. Bu zaman partnyorları və komandanı tapmaq daha asandır və rəqabət dövrü sonra başlanır".

SocialNet-də işləyərək, Hofman PayPal elektron ödəmə sisteminin direktorlar şurasına daxil olur, sonra orada işləməyə başlayır. O, 2002-ci ilə qədər şirkətin bütün xarici əlaqələri üçün cavabdehlik daşıyaraq İcraçı vitse-prezident vəzifəsini tutur.

PayPalın eBay satışından sonra, Hofman Silikon vadisinin ən uğurlu biznesmenlərindən biri oldu. Təsadüfi deyil ki, "Forbes" jurnalının 2013-cü il ərzində dünyanın ən nüfuzlu sahibkarlarından ibarət reytinq siyahısında Rid Hofmanın da adı var. Belə ki, o, dünyanın ən nüfuzlu 12 biznesmeninin siyahısında yer alaraq 11-ci yerdə qərar tutub.

Vençur kapitalist Devid Szenin fikrincə, son onilliyin ən müvəffəqiyyətli biznesmeni Hofmandır. Belə ki, o, Facebook, Digg, Zynga, Ning, Flickr, Last.fm, Six Apart kimi 80-dən artıq mükəmməl layihələrə başlanğıc mərhələdə sərmayə qoyub.

Hofman 2010-cu ildə Greylock Partners Fonduna qoşulub. O, orada 20 milyon dollar pul vəsaitini idarə edir. O, həmçinin Direktorlar Şurasının üzvü olduğu Zynga şirkətinə investisiya qoyub.

Hofman və "Zynga"nın baş direktoru Mark Pinkus — Six Degrees Patent şirkətinin şərikləridir.

Rid Hofman bu işlərlə yanaşı xidmətləri təkmilləşdirərək və auditoriyanı tədricən yetişdirərək yaratdığı "LinkedIn" sosial şəbəkəsi ilə məşğul olmağa davam edirdi. O, istifadəçiləri saxlamağı və rəqibləri geridə qoymağı bacardı.

  Əsas məqalə: LinkedIn

Rid Hofman 2002-ci ilin dekabrında "LinkedIn" sosial şəbəkəsinin əsasını qoyub, 2003-cü ilin mayında istifadəyə verib.

"LinkedIn" qeydiyyatdan keçən istifadəçilərə işgüzar əlaqələrin siyahısını yaratmağa və dəstəkləməyə imkan verir. "LinkedIn" istifadəçiləri müxtəlif hədəflər üçün əlaqələr siyahısından istifadə edə bilərlər: mövcud əlaqələr vasitəsilə təqdim edilmiş olmaq və əlaqələri genişləndirmək, şirkətlər, insanlar, maraqlar üzrə qrupların axtarışını həyata keçirmək, peşəkar xülasə dərc etmək və iş axtarışını həyata keçirmək, məsləhət görmək və məsləhət görülmüş olmaq, vakansiyaları dərc etmək, maraqlar üzrə qrupları yaratmaq. LinkedIn həmçinin işgüzar səfərlər, konfranslar və oxunmuş kitablar haqqında informasiyanı dərc etməyə imkan verir.

Sayt dünyanın 20-dən artıq dilində (ingilis, fransız, rus, alman, italyan, portuqal, ispan, rumın, türk və s.) əlçatandır. Şirkətin qərargahı Kaliforniyanın Mauntin-Vyu şəhərində yerləşir. LinkedIn həmçinin Çikaqo, Nyu-York və Londonda ofislərə malikdir. Bundan əlavə, sosial şəbəkə ABŞ-dən kənarda Yaponiya, Hindistan və Braziliyada 3 ofis açıb.

Şirkətin fəaliyyətinin maliyyələşdirilməsi Greylock, Sequoia Capital, Bain Capital, Bessemer kimi investisiya fondları tərəfindən həyata keçirilir.

Rid Hofman kitab yazmaqda da özünü sınayıb. Belə ki, o, Ben Kasnoça ilə birlikdə "The start-up of you" kitabını yazaraq startaplarla maraqlananların ixtiyarına verib. Kitabda vurğulanır ki, hər kim müvəffəqiyyət qazanmaq istəyir, öz sahibkar instinktini oyada və şəxsi karyeranın qurulması üçün Silikon vadisinin şirkətlərinin biznes-modellərindən istifadə edə bilər. Onlar kitabda "Intel", "Apple", "Google", "eBay", "Yahoo", "PayPal", "Facebook", "YouTube", "Twitter", "LinkedIn" kimi startapların müvəffəqiyyət sirlərini açır, onların təcrübəsini öz karyeralarında tətbiq etməyin yollarını göstərirlər.

• Cahangir Atakişiyev. . № 16 (810), 2 may 2014, səh. 27.  (az.)

• 2016-01-14 at the Wayback Machine including a brief biography of Hoffman
• , speaking at Stanford University
• 2014-12-21 at the Wayback Machine book website
• book website