Rebeka Koha 19 may 1998-ci ildə Latviyanın Ventspils şəhərində anadan olmuşdur. 12 yaşında ağır atletika ilə məşğul olmağa başlamışdır. Hal-hazırda Riqa Stradins Universitetinin tələbəsidir.

Gənclər arasında Avropa və Dünya çempionudur.

2014-cü ildə böyüklər arasında ilk debütunu etmişdir. 2014 Avropa çempionatında 48 kq-a qədər çəki dərəcəsində 7-ci olmuşdur.

Rio-de-Janeyrodakı Olimpiya Oyunlarının iştirakçısıdır. 53 kq-a qədər olan kateqoriyada Rebeka Koha yarışın bürünc mükafatçısı Yun Jin Heeyə yalnız 2 kq uduzaraq dördüncü olur. 2016-cı ildəki Yay Olimpiya Oyunlarında 53 kq çəkidə dördüncü olması ilə əlaqədar 2016 Yay Olimpiya Oyunlarında çıxışından sonraLatviyanın İlin Yüksələn Ulduzu olaraq seçilir.

2018-ci il noyabr ayının əvvəlində Aşqabadda 59 kq-a qədər çəki dərəcəsində Dünya Çempionatında 227 kq çəki qaldıraraq bürünc medal qazanır. Eyni zamanda təkanlıa qaldırmada da (103 kq) bürünc medal əldə edir.

2019-cu ildə Avropa çempionatında Rebeka qitə çempionatındakı ən yüksək nailiyyətini yenidən təkrarlayır və 221 kq çəki qaldıraraq qızıl medal qazanır. Digər ikin nominasiyada da iki qızıl medal əldə edir.

2020-ci ilin yazında, Rebeka Koha Qətər diskatma üzrə idmançısı Moaz Mohammed İbrahim ilə nişanlandığını elan etmişdir.

2020-ci ilin iyul ayında o, İnstaqram səhifəsində islamı qəbul etdiyini elan edir. Bu yazıdan sonra əvvəllər yayımladığı bütün fotoları silir və onların yerinə hicablı dörd yeni şəkil yayımlayır.

• 2021-04-20 at the Wayback Machine