1958-ci il iyulun 10-da anadan olmuşdur. Məişət kondisionerləri zavodunda çilingər işləmişdir. İki ciyərparası qaldı. İlahə və Kəmalə. Qanlı yanvar gecəsindən 1 ay. 5 gün sonra, fevralın 25-dən 26-na keçən gecə baş vermiş bu hadisəni eşidəndə bir daha əmin olursan ki, qanlı günlər davam edir. Hadisə həmin gecə Tağızadə ilə Pişəvəri küçələrinin kəsişdiyi yerdə olub. Yaralını xəstəxanaya aparan 5 nömrəli köməkçi yardım stansiyasının həkimi Hürü Ağayar qızının dediklərindən: — Həmin gecə növbədə idim. 00.10 dəqiqədə çağırışdan qayıdırdıq. Tağızadə küçəsi ilə Pişəvəri küçələrinin kəsişdiyi yerdə hərbçilər maşını saxlayıb sənədlərimizi yoxlamağa başladılar. Elə bu vaxt güllə səsi eşidildi. Gördük ki, göy rəngli «Moskviç» markalı maşın sürətlə səkiyə çıxdı və divara dəyib dayandı. Biz onlara dedik ki, yaralıya kömək lazımdır. Onlar isə öz işlərində idi. Bu vaxt Pişəvəri küçəsi ilə təcili yardım maşını bizə yaxınlaşdı. Hərbçilər maşının işığını görən kimi yaralıya yardım etməyə icazə verdilər. Biz «Moskviç»in qapısını açanda gördük ki, yaralı arxa tərəfə qanrılıb və başından qan axır. Onu xəstəxanaya çatdırdıq. Beş dəqiqədən sonra isə... Mərhum Şəhidlər xiyabanında uyuyur.

Hüsü Hacıyev küçəsi, 35, mənzil 32.

• "20 Yanvar Şəhidi" fəxri adı alanların siyahısı
• Azərbaycan Respublikasının Azadlıq uğrunda mübarizlərinin siyahısı
• Şəhidlər Xiyabanında dəfn olunanlar

• Qulu Kəngərli. (PDF). Bakı: Gənclik. 1992. 312 səh. ISBN 4702060204. 2015-07-17 tarixində (PDF) arxivləşdirilib. İstifadə tarixi: 2017-01-18.