Raqub Şahmar oğlu Kərimov 22 mart 1946-cı ildə Azərbaycanın Ağdam rayonunun Əhmədağalı kəndində anadan olmuşdur. Orta məktəbi doğulduğu kənddə bitirmişdir. 1963-cü ildə Azərbaycan Dövlət Universitetinin (indiki Bakı Dövlət Universiteti) "Şərqşünaslıq" fakültəsinə daxil olmuş, 1971-ci ildə orada "Fars dili və ədəbiyyatı" ixtisası üzrə tam kursu bitirmişdir. 1967–1970-ci illərdə tərcüməçi kimi Əfqanıstana ezam olunmuşdur. 1971-ci ildə Universiteti bitirib Azərbaycan SSR EA Tarix İnstitutunda baş laborant vəzifəsində çalışmış, 1973–1975-ci illərdə ikinci dəfə tərcüməçi kimi Əfqanıstana ezam olunmuşdur. 1976-cı ildə Sovet Azərbaycanının 60 illiyi adına Xankəndi Pedaqoji İnstitutunda müəllim kimi əmək fəaliyyətiinə başlamışdır. 1982-ci ildə filologiya elmləri namizədi adını almaq üçün "XIX əsrin ikinci yarısı farsdilli Azərbaycan poeziyası" mövzusunda dissertasiya müdafiə etmişdir. 1986-cı ildə dosent elmi adını almışdır. 1991–2001-ci illərdə ADPU-nun Şuşa filialında Tarix-filologiya fakültəsinin dekanı vəzifəsində çalışmışdır. 2001-ci ildən 2003-cü ilə qədər ADPU-nun Ağcabədi tədris məntəqəsinin müdiri vəzifəsində işləmişdir. 2003-cü ilin iyul ayından Sumqayıt Dövlət Universitetinin Qədim və orta əsrlər Azərbaycan ədəbiyyatı kafedrasının müdiri, 2005-ci ilin may ayından isə Xarici ölkələr ədəbiyyatı kafedrasının müdiri vəzifəsində çalışmışdır. 2004-cü ildən AMEA Məhəmməd Füzuli adına Əlyazmalar İnstitutunun Farsdilli əlyazmaların tədqiqi şöbəsində çalışıb. 2008-ci ilin dekabr ayından SDU-da kafedranın ləğvi ilə əlaqədar olaraq yeni yaradılmış "Azərbaycan və xarici ölkələr ədəbiyyatı" kafedrasının dosenti vəzifəsində çalışıb. 2009-cu ilin dekabr ayından AMEA Məhəmməd Füzuli adına Əlyazmalar İnstitutunun Farsdili əlyazmaların tədqiqi şöbəsində böyük elmi işçi, 2012-ci ildən aparıcı elmi işçi kimi fəaliyyət göstərib. 2019-cu ildən bu günə kimi Multidissiplinar çap kitabları şöbəsində baş elmi işçi vəzifələlərində çalışır. 2009-cu ilin sentyabr ayından ETM "Təfəkkür" Universitetinin Filologiya kafedrasında dosent və professor, 2014-cü ildən 2019-cu ilədək Filologiya və biologiya fakültəsinin dekanı vəzifələrində çalışıb. Elm və Təhsil Mərkəzi "Təfəkkür" Universitetinin Elmi Şurasının 19 dekabr 2013-cü il (protokol №4) tarixli qərarı ilə professor elmi adına layiq görülüb. 2017-ci ildə filologiya üzrə elmlər doktoru elmi dərəcəsi almaq üçün "Qasım bəy Zakir: həyatı, dövrü, mühiti və müasirləri" mövzusunda dissertasiya müdafiə etmişdir.

Hazırda AMEA Məhəmməd Füzuli adına Əlyazmaları İnstitutunda baş elmi işçi vəzifəsini icra edir.

Raqub Kərimov 1982-ci ildə "XIX əsrin ikinci yarısı farsdilli Azərbaycan poeziyası" mövzusunda namizədlik, 2017-ci ildə "Qasım bəy Zakir: həyatı, dövrü, mühiti və müasirləri" mövzusunda doktorluq dissertasiyasını müdafiə etmişdir. O, "Farsdilli Azərbaycan poeziyası (XIX əsərin II yarısı) və "Qasım bəy Zakir və müasirləri" monoqrafiyalarının, "Abdulla bəy Asinin həyat və yaradıcılığı" və digər elmi əsərlərin müəllifidir.

Raqub Kərimovun araşdırmalarında, xüsusilə, Qasım bəy Zakirin yaradıcılığının öyrənilməsi mühüm yer tutur. O, həmçinin XIX yüzil Qarabağ ədəbi mühitini təmsil edən ayrı-ayrı sənətkarların yaradıcılığına aid çoxsaylı araşdırmaların müəllifidir.

1. Mir Möhsün Nəvvab. "Nəsihətnamə". Bakı, "Yazıçı" nəşr., 1987 (80s.) (farsca mətnin tərtibçisi)

2. Mir Mehdi Xəzani. Əsərləri. Bakı, Azərbaycan Dövlət Nəşriyyatı, 1989 (124s.)

3. Mir Möhsün Nəvvabın elmi, dini, tibbi qeydləri//Əsərləri (səh.185–214). Bakı, "Şuşa" nəşr., 1999, II nəşri, "Şərq-Qərb" nəşriyyatı, 2006 (214s.)

4. Məşədi Əyyub Baki. "Riyazül-məhəbbət". Bakı, "Şuşa" nəşr., 2000 (190s.)

5. Məhəmmədəli bəy Məxfi. Qəzəllər. Bakı, "Şuşa" nəşr., 2001 (213s.)

6. Həsənəli xan Qaradaği. Əsərləri. Bakı, "Şuşa" nəşr., 2001 (167s.)

7. Həsənəli xan Qaradaği. Fələyin bir belə dövrü olacaqmış. Bakı, Azərbaycan Milli Ensiklopediyası, NRB nəşr., 2003 (280s.)

8. Məşədi Məhəmməd Bülbül. Əsərləri. Bakı, "Şuşa" nəşr., 2008 (360s.)

9. İbrahim Tahir Musayev. Əsərləri. Bakı, "Elm və Təhsil" nəşr., 2012 (633s.)

10. Mirzə Baxış Nadim. Seçilmiş əsərləri. Bakı, "Alatoran" nəşr., 2018 (249s.)

11. Mirzə Rəhim Fəna əsərləri. Bakı, "Elm və Təhsil" nəşr., 2023, 168 s.

12. Mirzə Baxış Nadim. Seçilmiş əsərləri (ikinci kitab). Bakı, "Alatoran" nəşr., 2021, 590 s.

13. Molla Qasım Zakir. Şeirlər. Bakı, "Elm və Təhsil" nəşr., 2020, 95 s.

14. Məhəmməd ağa Müctəhidzadə. Əsərləri. Bakı, "Elm və Təhsil" nəşr., 2021, 590 s.

1. Bəhmən Mirzə Qacar. "Şükürnameyi-Şahənşahi". Bakı, "Şuşa" nəşr., 1999 (62s.) – fars dilindən

2. Pənahi Semnari. Fətəli Şah Qacar. "Şuşa" nəşr., 2006 (256s.) – fars dilindən

1. Şərq xalqlarının maariflənməsində klassik Azərbaycan şairlərinin rolu. Bakı, Bilik, 1981 (84s.)

2. Nəsimi poeziyasında bədii təsvir və ifadə vasitələri. Bakı, N. Tusi adına ADPU-nun nəşriyyatı, 1993 (64s.) (metodik tövsiyə)

3. Farsdilli Azərbaycan poeziyası (XIX əsrin ikinci yarısı) (monoqrafiya). Bakı, "Azəırbaycan" nəşr., 1999 (155s.)

4. Hüseynbala Mirələmovun yaradıcılıq yolu (monoqrafiya). Bakı, "Şuşa" nəşr., 2007 (310s.)

5. Abdulla bəy Asinin həyat və yaradıcılığı. Əsərləri. Bakı, "Nurlan" nəşr., 2009 (290s.)

6. Sədi Sani Qarabağinin həyat və yaradıcılığı. Qəzəlləri. Bakı, "Nurlan" nəşr., 2011 (222s.)

7. Qasım bəy Zakir və müasirləri (monoqrafiya). Bakı, "Elm və təhsil" nəşr., 2013 (250s.)

8. Mir Mehdi Xəzaninin həyat və yaradıcılığı. Əsərləri. Bakı, "Elm və təhsil" nəşr., 2014 (236 s.)

9. Sədi Sani Qarabağinin həyat və yaradıcılığı. Əsərləri. Bakı, "Elm və təhsil" nəşr., 2014 (304s.)

10. XIX əsr Qarabağ şairlərinin şeir antologiyası. Bakı, SkyE, 2024, 512 s.