Ramiz Babayev 1940-cı il mart ayının 8-də Bakının Əmircan qəsəbəsində fəhlə ailəsində anadan olmuşdur. Atası Əlirza Yengixan oğlu Babayev (1894–1947) neft mədənlərində calışmış, anası Aliyə Məlikəhməd qızı Babayeva (1919–1994) isə evdar qadın olmuşdur. O 1947-ci ildə Əmircan qəsəbəsindəki 89 saylı orta məktəbdə oxumağa başlamışdır. 1957-ci ildə məktəbi bitirmiş və həmin il Cəfər Cabbarlı adına "Azərbaycanfilm" kinostudiyasında operator köməkçisi vəzifəsində işləməyə başlamışdır. 1959-cu ildə Odessa şəhərində Kinematoqrafiya məktəbinə daxil olmuş və həmin məktəbi 1962-ci ildə bitirdikdən sonra yenidən kinostudiyaya qayıtmışdır. Kinostudiyada işini davam etdirməklə yanaşı, 1963-cü ildə M. Əzizbəyov adına Neft və Kimya İnstitutunun Energetika fakültəsinə daxil olmuş və 1969-cu ildə həmin İnstitutu "Elektrik intiqalı və avtomatlaşdırılmış qurğular" ixtisası üzrə bitirmişdir. 1975-ci ildə ailə həyatı qurmuşdur. 2 qız övladı var. 1986-cı ildə SSRİ Kinematoqrafçılar İttifaqına üzv seçilmişdir. 1988-ci ildə "Əmək qəhrəmanı" ordeni ilə təltif olunmuşdur. 1990-cı ildə Əmircan qəsəbəsindən deputat secilmişdir. Ramiz Babayev eyni zamanda bir çox filmlərdə epizodik rollarda da çəkilmişdir. O, 1994-cü il yanvarın 11-də geniş əhatəli infarktdan vəfat etmişdir.

1. Alma almaya bənzər (film, 1975) (tammetrajlı bədii film)-quraşdırma səhnələrin operatoru
2. Anlamaq istəyirəm (film, 1980) (ikiseriyalı bədii film)-quraşdırılmış səhnələrin operatoru
3. Avqust gələndə (film, 1984)
4. Bayquş gələndə... (film, 1978)
5. Bir ailəlik bağ evi (film, 1978)
6. Bircəciyim (film, 1986)
7. Bizim küçənin oğlanları (film, 1973)
8. Bu, Səttar Bəhlulzadədir (film, 1969)
9. Cin mikrorayonda (film, 1985)
10. Doğma sahillər (film, 1989)
11. Fəryad (film, 1993)
12. Fitnə (film, 1970)
13. Gecə qatarında qətl (film, 1990)
14. Gilas ağacı (film, 1972)
15. Girişmə, öldürər! (film, 1990)
16. Gümüşü furqon (film, 1982)
17. Güzgü (film, 1990)(II)
18. Haray (film, 1993)
19. Həmyerli (film, 1989)
20. Xüsusi vəziyyət (film, 1986)
21. İmtahan (film, 1987)
22. İnsan məskən salır (film, 1967)
23. İşarəni Dənizdən Gözləyin (1986)
24. Köhnə bərə (film, 1984)
25. Qanlı zəmi (film, 1985)
26. Qara "Volqa" (film, 1994)
27. Qara gölün cəngavərləri (film, 1984)
28. Qızıl uçurum (film, 1980)
29. Qocalar, qocalar... (film, 1982)
30. Lətifə (film, 1989)
31. Mən mahnı qoşuram (film, 1979)
32. Od içində (film, 1978)
33. Onun bəlalı sevgisi (film, 1980)
34. Ölsəm... bağışla (film, 1989)
35. Ötən ilin son gecəsi (film, 1983)
36. Pıspısa xanım və Siçan bəy (film, 1974)
37. Sehrli xalat (film, 1964)
38. Şərikli çörək (film, 1969)
39. Şirbalanın məhəbbəti (film, 1991)
40. Uşaqlığın son gecəsi (film, 1968)
41. Üzeyir ömrü (film, 1981)
42. Yay gününün xəzan yarpaqları (film, 1986)