Cüdo

Ramilə, beynəlxalq səviyyədə ilk ciddi uğuruna, 2003-cü ilin avqustunda, Bakıda baş tutmuş U-17 dünya çempionatında qızıl medal qazanmaqla nail olub. 2004-cü ilin noyabrında hərbçilər arasında dünya çempionatında bürünc medal qazanıb.

2005-ci ilin dekabrında baş tutmuş Azərbaycan çempionatının finalında Sona Əhmədliyə məğlub olaraq gümüş medalla kifayətlənib. 2006-cı ilin oktyabrında Bakıda keçirilmiş U-23 Azərbaycan çempionatında qızıl, noyabrında isə Moskvada keçirilmiş U-23 Avropa çempionatında bürünc medal qazanıb.

2008-ci ildə həlledici görüşdə qalib gələrək Azərbaycan çempionu olub. Bir il sonra Antalyada baş tutmuş U-23 Avropa çempionatında üçüncü yeri tutub.

2010-cu ilin sentyabrında Tokionun ev sahibliyi etdiyi dünya çempionatında bürünc medal qazanıb. 2011-ci və 2012-ci illərdə müvafiq olaraq Əbu-Dabi və Bakıda keçirilimiş Qran-pri yarışlarında gümüş medal qazanıb. 2012-ci ilin aprelində Çelyabinskdə baş tutmuş Avropa çempionatında üçüncülük uğrunda mübarizədə Fransa təmsilçisi məğlub olaraq yarışı beşinci pillədə başa vurub.

2012-ci il London Yay Olimpiya Oyunlarında Azərbaycanı 63 kq çəki dərəcəsində təmsil edib. İlk görüşündə türkmənistanlı 1 vazari və 1 yuka xalı ilə məğlub edən Ramilə, ikinci görüşündə cənubi koreyalı ippon fəndiylə məğlub olaraq mübarizəni dayandırıb.

Olimpiadadan sonra ailə həyatı qurub və övlad dünyaya gətirib. 2013-cü ildə Azərbaycan çempionatının qalibi olub.

Para-cüdo

Ramilə Kaştayeva görmə qabiliyyətində zəiflik yarandığından, paralimpiya yarışlarında mübarizə aparmağa başlayıb.

2017-ci ilin mayında Bakıda baş tutmuş IV İslam Həmrəyliyi Oyunlarının final görüşündə digər Azərbaycan nümayəndəsi üzərində ipponla qələbə qazanaraq turnirin qızıl medalına sahib olub.