Rahid Sadıxov 13 fevral 2001-ci il ildə Rusiya Federasiyasının Saratov şəhərində anadan olub. Daha sonra ailəsi ilə birlikdə Azərbaycana, Sumqayıt şəhərinin Saray qəsəbəsinə köçüb. 2007–2016-cı illərdə Saray qəsəbəsinin M. Ələkbərov adına 1 nömrəli tam orta məktəbində təhsil alıb. Təhsilini 9-cu sinifə kimi bu məktəbdə davam etdirib. Daha sonra Maştağa qəsəbəsində yerləşən Cümə Məscidinin mədrəsəsinə daxil olub və iki il dini dərslər alıb. Orta ümumi təhsilinin son 6 ayını Cəlilabad rayonunda tamamlayıb.

2019-cu il aprel ayının 1-də Masallı Rayon Hərbi Komisarlığı tərəfindən həqiqi hərbi xidmətə çağırılıb. Daha sonra Goranboy rayonu və Tərtər rayonlarında hərbi xidmətdə olub. 28 sentyabr 2020-ci il tarixində Suqovusan və Talış kəndi ətrafında gedən döyüşlərdə şəhid olub. 29 oktyabr 2020-ci il tarixində Abşeron rayonunun Saray qəsəbəsində dəfn olunub. Sonuncu dəfə ailəsi ilə 26 sentyabrda əlaqə saxlayıb.

• 6 iyun 2019 — nümunəvi xidmətinə görə, Ramazan bayramı münasibətilə, polkovnik leytenant Rəşid Niftəliyev tərəfindən fəxri fərmanla təltif olunub.
•   (15.12.2020) — "Vətən uğrunda" medalı (ölümündən sonra)