Rafiq Səfər oğlu Quliyev (27 fevral 1957, Bakı) — Azərbaycan kinooperatoru, rejissor, ssenarist, prodüser və montaj rejissoru, Azərbaycanın əməkdar incəsənət xadimi (2005), "Şöhrət" ordeni laureatı (2018).
| Rafiq Quliyev | |
|---|---|
| Rafiq Səfər oğlu Quliyev | |
| Doğum tarixi | 27 fevral 1957 (67 yaş) |
| Doğum yeri | |
| Milliyyəti | azərbaycanlı |
| Fəaliyyəti | kinematoqraf |
| Təhsili | |
| Mükafatları |
 
|
Həyatı
Rafiq Quliyev 27 fevral 1957-ci ildə Bakı şəhərində anadan olub. 1975-ci ildən "Azərbaycanfilm" kinostudiyasında işləyir. 1981-ci ildə Azərbaycan Dövlət İncəsənət İnstitutunu, 1987-ci ildə Ümumittifaq Dövlət Kinematoqrafiya İnstitutunun "Kinooperatorluq" fakültəsini fərqlənmə diplomu ilə bitirib.
Rejissor M. Kosırevlə çəkdiyi "Gənc Mixailin görüntüsü" adlı diplom filmi xüsusi diqqət çəkərək Monreal film festivalında "Ən yaxşı film" və "Ən yaxşı fantaziya" mükafatlarına layiq görülüb və festival rəhbərliyi tərəfindən "Tələbə Filmlərinin Ümumdünya Proqramı"na salınaraq London, Berlin, Rimini, eləcə də digər film festivallarında nümayiş etdirilib.
1991-ci ildən bədii filmlərin ali dərəcəli quruluşçu operatorudur. Kinostudiyada çalışmaqla yanaşı 1999–2001-ci illərdə Türkiyənin STV kanalının Azərbaycan təmsilçiliyində televiziya rəhbəri vəzifəsində çalışıb və Azərbaycanla bağlı həqiqətləri dünyaya çatdıran "Xəzərdən dünyaya" verilişinin Asiya və Avropa ölkələrinə yayımını təşkil edib.
2001-ci ildə "Lider" televiziyasında "Azərbaycan" redaksiyasını yaradıb və 2001–2004-cü illər ərzində müxtəlif səpkili 237 televiziya filminin ərsəyə gəlməsinə rəhbərlik edib.
1997-ci ildən Azərbaycan Dövlət Mədəniyyət və İncəsənət Universitetinin "Kino-Televiziya Sənətləri" kafedrasında pedaqoji fəaliyyətlə məşğuldur. 2005-ci ildən həmin kafedranın dosentidir. 2008-ci ildə "Azərbaycan səssiz kinosunun təsvir irsi" mövzusunda namizədlik dissertasiyasını müdafiə edib. Sənətşünaslıq namizədidir. Onlarla elmi məqalənin, tədris proqramı və metodik göstərişin, dərs vəsaiti və dərsliyin müəllifidir. 2005-ci ildə Əməkdar incəsənət xadimi fəxri adına layiq görülüb.
2013-cü ildə Serbiyanın Zlatibor şəhərində "Zlatibor-2013" idman filmləri üzrə ikinci beynəlxalq film festivalında Rafiq Quliyevin "Çövkən" filmi idmanda Azərbaycanın milli adət-ənənələrinin uğurla tamaşaçılara çatdırılmasına görə festivalın birinci mükafatına layiq görülmüşdür.
1 avqust 2018-ci ildə Azərbaycan kinematoqrafiyasının inkişafında xidmətlərinə görə, "Şöhrət" ordeni ilə təltif olunmuşdur.
Filmoqrafiya
- 130-cu mövsüm (film, 2002)
- (qısametrajlı bədii süjet-Mozalan № 161)-operator
- Ağ rəngin simfoniyası (film, 2003)
- Axırıncı aşırıma qədər (film, 2002)
- Aləmdə qalan səs (film, 2001)
- And (film, 2002)
- Azadlığa gedən yollar (film, 1990)
- Azərbaycana xoş gəlmisiniz! (film, 2004)
- Bahar ömürlü insan (film, 2003)
- Cansıxıcı əhvalat (film, 1988)
- Cin mikrorayonda (film, 1985)
- Çölçü (film, 2012)
- Çövkən (film, 2013)
- Fövqəldünya və ya qəsdsiz məntiqi səhv (film, 1992)
- "Fransız" (film, 1995)
- Girov (film, 2005)
- Günaydın, mələyim! (film, 2008)
- Hər şey yaxşılığa doğru
- Köpək (film, 1994)
- Azərbaycan faunası: Qafqaz gürzəsi (film, 2002)
- Qətl günü (film, 1990)
- Laçın dəhlizi (film, 1993)
- Nizami (film, 2012)
- Ölüm növbəsi (film, 2009)
- Süd dişinin ağrısı (film, 1987)
- Şahid qız (film, 1990)
- Şimşəklər kimi (film, 2003)
- Unudulmuş qəhrəman (film, 2005)
- Üçüncü günün adamı (film, 2017)
- Ümid (film, 1995)
- Vəkil hanı? (film, 2011)
- Ulu öndər (2019)
İstinadlar
- . 2013-07-06 tarixində arxivləşdirilib. İstifadə tarixi: 2013-07-08.
- President.Az. (az.). . 01.08.2018. 2020-09-20 tarixində . İstifadə tarixi: 2018-08-01.
- Quliyev, R. “Çövkən” filmini böyük həvəslə çəkmişəm”: Film YUNESKO-nun “Qeyri-Maddi Mədəni İrs Siyahısı”na daxil edilib: [rejissor Rafiq Quliyevlə müsahibə] /müsahibəni apardı J.Rzabəyli //Olimpiya dünyası.- 2014.- 1-3 aprel.- S. 3.
- Real TV. (az.). . 12.07.2019. İstifadə tarixi: 2019-07-12.