Rəhman Abdullayev 1998-ci il oktyabrın 27-də Bakıda dünyaya gəlib. İlk musiqi təhsilini 2008-ci ildə 28 №-li musiqi məktəbində alıb. Sonra 2012-ci ildə Azərbaycan Milli Konservatoriyasının (AMK) tərkibində İncəsənət Gimnaziyasında davam edib. 2015–2019-cu illərdə AMK-nin İfaçılıq fakültəsinin Tar ixtisasına daxil olub və bakalavr təhsilini fərqlənmə ilə bitirib. 2019–2021-ci illərdə isə Konservatoriyanın magistr pilləsini bitirib.

2010–2015-ci illərdə Müslüm Maqomayev adına Azərbaycan Dövlət Akademik Filarmoniyasının Uşaq orkestrinin konsertmesteri olub. (Drijor: Ağaverdi Paşayev)

Hal-hazırda AMK-nin tərkibindəki İncəsənət Gimnaziyasında müəllim vəzifəsində çalışır.

2010-cu ildə Azərbaycan Respublikası Mədəniyyət Nazirliyinin keçirdiyi II Respublika müsabiqəsində II yer olub.

2011-ci ildə Azərbaycan Respublikası Dövlət Müstəqilliyinin 20-ci ildönümünə həsr olunmuş Respublika müsabiqəsinin laureatı olub.

2013-cü ildə Heydər Əliyevin 90 illik yubileyinə həsr olunmuş Respublika müsabiqəsində II olub.

2014-cü ildə A. R. Mədəniyyət və Turizm Nazirliyinin keçirdiyi Respublika müsabiqədə II yer olub.

2015-ci ildə Əhsən Dadaşovun yubileyinə həsr olunmuş Respublika müsabiqəsində III olub.

2017-ci ildə "SALUT Talantov"un Bakıda keçirdiyi Beynəlxalq "Kaspisky Briz" müsabiqəsində 1-ci yer olub.

2018-ci ildə Hacı Xanməmmədovun 100 illik yubileyinə həsr olunmuş I Respublika müsabiqəsinin qalibi olub.

2019-cu ildə İtaliyanların Azərbaycanda keçirdiyi "TasteArt" beynəlxalq müsabiqəsində I yer olub.

2020-ci ildə Rusiya Federasiyasında keçirilən beynəlxalq müsabiqədə 2-ci yer olub.

2022-ci ildə "National Treasure" adlı musiqi albomu çıxıb. 100-dən çox treki musiqi platformalarında yayımlanıb.

Bundan başqa bir çox dövlət tədbirlərindəki çıxışlarına görə fəxri fərmanlarla təltif olunub.

• Ramiz Quliyev
• Sahib Paşazadə

• — Rəsmi saytı
• — YouTube kanalı
• — Apple Music kanalı
• — Spotify kanalı
• — Instagram səhifəsi
• — Facebook səhifəsi