Rəbiqə Nazim qızı Zeynalova (5 noyabr 1979, Bakı) — azərbaycanlı şair, tərcüməçi, esseist.
| Rəbiqə Nazimqızı | |
|---|---|
| Rəbiqə Nazim qızı Zeynalova | |
| Doğum tarixi | 5 noyabr 1979 (44 yaş) |
| Doğum yeri | |
| Təhsili | Azərbaycan Dövlət Pedaqoji Universiteti |
| İxtisası | filoloq |
Həyatı
Rəbiqə Nazimqızı 1979-cu il noyabrın 5-də Bakı şəhərində anadan olub. 263 saylı Bakı şəhər tam orta məktəbindən məzun olub.
Təhsili
1995–1999-cu illərdə Azərbaycan Dövlət Pedaqoji Universitetinin Azərbaycan dili və ədəbiyyatı fakültəsində təhsil alıb. 2006–2008-ci illərdə həmin fakültənin magistratura pilləsini ədəbiyyat ixtisası üzə bitirib.
Fəaliyyəti
1998-ci ildən qəzet, jurnal, sayt və onlayn televiziyalarda müxbir, tərcüməçi və redaktor kimi çalışıb. 2006-cı ildən etibarən imzası ilə şeirlər yazmağa başlayıb. Hazırda Azərbaycan Dövlət Tərcümə Mərkəzində dil mütəxxəsisi vəzifəsində fəaliyyət göstərir.
Şeir kitabları
2008-ci ildə "Sənə qədər" adlı şeirlər kitabı çap olunub.
2013-cü ildə "Yazıçı" nəşriyyatında "Epizodik sevgilər" adlı şeirlər kitabı çapdan çıxıb.
2020-ci ildə Azərbaycan Dövlət Tərcümə Mərkəzində "Çətirlərin qiyamı" adlı kitabı nəşr olunub.
Tərcümələri
2014-cü ildə onun tərcüməsində "Rixard Vaqner. Mənim həyatım" memuarı (Qismət Rüstəmovla birlikdə);
2015-ci ildə "ATV Kitab" layihəsi çərçivəsində Avqust Strindberqin "Tənha" romanı onun tərcüməsində "Parlaq İmzalar" nəşriyyatında nəşr olunub.
Prezident İlham Əliyevin 24 avqust 2007-ci il tarixli sərəncamına əsasən, çap olunan 150 cildlik "Dünya ədəbiyyatı kitabxanası" (DƏK) seriyasından Romen Rollanın "Seçilmiş əsərləri" (2016) və Elias Kanettinin "Korlaşma" əsəri (2018) onun tərcüməsində işıq üzü görüb.
İstinadlar
- (az.). www.yarpaq.az. 2008-09-06. İstifadə tarixi: 2021-03-26.
- (az.). www.525.az. 2013-05-29. İstifadə tarixi: 2021-03-26.
- (az.). www.qaynarinfo.az. 2013-05-27. İstifadə tarixi: 2021-03-27.
- (az.). www.kulis.az. 2020-04-30. 2020-09-19 tarixində . İstifadə tarixi: 2021-03-26.
- (az.). www.manera.az. 2020-04-30. İstifadə tarixi: 2021-03-27.
- (az.). www.qadinkimi.com. 2020-05-19. 2022-01-27 tarixində . İstifadə tarixi: 2021-03-27.
- (az.). www.apa.az. 2014-04-04. İstifadə tarixi: 2021-03-26.
- (az.). www.kulis.az. 2015-12-09. 2016-10-14 tarixində . İstifadə tarixi: 2021-03-26.
Xarici keçidlər
|
Şair ilə əlaqədar bu məqalə qaralama halındadır. Məqaləni edərək Vikipediyanı zənginləşdirin. |