Ququ quşu yuvasının üzərindən uçarkən (ing. One Flew Over the Cuckoo's Nest) – Miloş Formanın rejissorluğunu etdiyi 1975-ci il ABŞ istehsalı komediya-dram janrında filmdir. Film Ken Kizinin eyni adlı romanı əsasında çəkilmişdir. Filmin premyerası 19 noyabr 1975-ci ildə Çikaqo Film Festivalında baş tutmuşdur. Baş rolları Cek Nikolson, Luiza Fletçer və Vilyam Redfild ifa edirlər. Bununla yanaşı, Vill Sempson, Sidni Lassik, Denni De Vito, Bred Durif, Kristofer Lloyd kimi önəmli aktyorlar bu filmlə karyeralarına debüt ediblər. Psixiatrik xəstəxanada cərəyan edən hadisələr haqqında bu film demək olar bütünlüklə Oreqon ştatında ruhi xəstələr üçün xəstəxana şöbəsində çəkilmişdir.

Ququ quşu yuvasının üzərindən uçarkən
ing. One Flew Over the Cuckoo's Nest
Janr	dram filmi, tibb dramı[d], məhbuslar haqqında film[d], roman ekranlaşdırması[d], komediya filmi
Rejissor	Miloş Forman
Prodüserlər	Saul Zeynts[d] Maykl Duqlas
İcraçı prodüserlər	Maykl Duqlas, Kirk Duqlas, Saul Zeynts[d]
Ssenari müəllifləri	Bo Qoldmar[d] Lorens Hauben[d]
Baş rollarda	Cek Nikolson Luiz Fletçer[d] Uilyam Redfild[d] Bred Durif[d] Denni De Vito Kristofer Lloyd Ancelika Hyuston[d] Saul Zeynts[d]
Operator	Haskell Ueksler[d]
Bəstəkar	Cek Nitsşe[d]
Quruluşçu rəssam	Pol Silbert[d]
Montajçı	Şeldon Kan[d]
İstehsalçılar	Fantasy Films Productions[d]
Distribütor	InterCom[d], MOKEP[d], Netflix
İlk baxış tarixi	1975, 18 mart 1976, 19 noyabr 1975
Müddət	133 dəq., 136 dəq.
Büdcə	3.000.000 $
Gəlir	109.114.817 $, 108.981.275 $
Ölkə	ABŞ
Dil	ingilis dili
Rəng	rəngli
Çəkiliş yeri	Feyetvill[d]
IMDb
Mükafatları
Vikianbarda əlaqəli mediafayllar

"Ququ quşu yuvasının üzərindən uçarkən" ən yaxşı filmlərdən biri hesab edilir. Ekran işi Amerika Film İnstitutunun 100 ən yaxşı filmlər siyahısında 33-cü sıraya daxil edilib. Bununla yanaşı, o, film tarixində 5 əsas Oskar mükafatını (Ən yaxşı film, aktyor, aktrisa, və ) qazanan ikinci film olmuşdur. Birinci dəfə bu uğuru "Bir gecədə baş verdi" filmi qazandı. 1991-ci ildə bu rekordu "Quzuların səssizliyi" filmi təzələdi. Film 1993-cü ildə ABŞ Konqres Kitabxanası tərəfindən "mədəni, tarixi və estetik olaraq önəmli" filmlər arasına seçilərək mühafizə edilməsinə qərar verilmişdir.