Qloriya Estefan (isp. Gloria María Milagrosa Fajardo García de Estefan; 1 sentyabr 1957^[…], Havana) — Kuba əsilli ABŞ müğənnisi, mahnı müəllifi və aktrisası. Karyerası ərzində 130 milyondan artıq mahnısı satılmış və 5 Qremmi mükafatına layiq görülmüşdür.

Qloriya Estefan
Ümumi məlumatlar
Doğum adı	Gloria María Milagrosa Fajardo García
Ləqəbi	Gloria Estefan
Doğum tarixi	1 sentyabr 1957(1957-09-01)[…](67 yaş)
Doğum yeri	Havana, Kuba
Musiqiçi məlumatları
Fəaliyyəti	müğənni-mahnı yazarı, televiziya aktrisası, kino aktrisası, səsyazma sənətçisi[d], kinorejissor
Fəaliyyət illəri	1977-ci ildən
Janrlar	latın-pop[d], pop musiqisi, rəqs musiqisi[d], dans-pop
Musiqi alətləri	gitara, zərb alətləri
Səs tembri	kontralto
Albom şirkətləri	Sony Music[d], Epic Records
Təhsili	Mayami Universiteti (–1979)
Mükafatları
Vikianbarda əlaqəli mediafayllar

Qloriya Havanada dünyaya gəlmiş, lakin Kuba inqilabından dərhal sonra, 16 aylığında ailəsi ilə Mayamiyə köçmüşdür. 1975-ci ildə "Miami Sound Machine" qrupunda solist kimi çıxış etməyə başlamış və 1976-cı ildə qrupun rəhbəri Emilio Estefanla ailə qurmuşdur.

1984-cü ildən ABŞ-də və Latın Amerikası ölkələrində solo konsertlərlə çıxış etməyə başlamışdır. 1980-ci illərdə onun mahnıları çartlarda yüksək yerlərə qalxmış, bir neçə mahnısı Billboard Hot 100-də ilk onluğa daxil olmuşdur.

20 mart 1990-cı ildə, onun içində olduğu avtobusun yük maşını ilə toqquşması nəticəsində, Qloriyanın onurğa sütunu ciddi zədələnmiş və cərrahiyyə əməliyyatı keçirmişdir. 1991-ci ildə isə avtobioqrafik "Coming Out of the Dark" albomu ilə yenidən hit-paradların zirvəsinə qayıtmışdır.

1994-cü ildə Atlantada XXVI Yay Olimpiya Oyunlarının bağlanış mərasimində çıxış etmişdir.