Qaspar Monj 9 may 1746-cı ildə Fransanın Bon kommunasında anadan olmuşdur. O, 1780-ci ildə Paris Elmlər Akademiyasına üzv olmuşdur. Monjun əsas əsərləri həndəsəyə aiddir. O, əşyanın qarşılıqlı iki perpendikulyar müstəviyə proyeksiyalanmasına əsasən fəza fiqurunun müstəvi üzərinə təsviri üçün ümumi üsul və xüsusi törəməli tənliyin həndəsi şərhini vermişdir. Monj səthin əyriliyi anlayışını elmə daxil etmişdir. O, riyazi analiz, kimya, optika, meteorologiya və praktiki mexaniki sahəsində də tədqiqat aparmışdır. Monj Fransa inqilabı dövründə ölçü və çəki sistemini müəyyənləşdirən komissiyanın üzvü, 1792–1793-cü illərdə dəniz naziri olmuşdur. O, Parisdə Ali Normal Məktəbin və Politexnik Məktəbin banilərindəndir. Restavrasiya dövründə onun bütün hüquqları əlindən alınmış, politexnik məktəbdən və Elmlər Akademiyasından xaric edilmişdir. Monj 28 iyul 1818-ci ildə, 72 yaşında Fransanın paytaxtı Paris şəhərində vəfat etmişdir.

• (Biddle, Philadelphia, 1851).
• (Weale, London, 1851).
• (Baudouin, Paris, 1798)
• 2018-11-06 at the Wayback Machine
• Gaspard Monge (1789) Annales de Chimie. Ser. 1, bk. 3 p. 131–147 – digital facsimile from the Linda Hall Library