1917-ci ildə anadan olmuş, Azərbaycan Sənaye institutunu bitirmiş Bakı şəhəri Stalin rayon partiya komitəsinin katibi, həmin rayonun icraiyyə komitəsinin sədri işləmişdi. 1958-ci ildən başlayaraq Dağlıq Qarabağa təyinat alana qədər Vəzirov Respublika Nazirlər Sovetinin Ağır Sənayeyə Dövlət Nəzarəti şöbəsinin müdiri işləmişdi.

Seymur Vəzirov 1946 çi ildə Şamaxı milyonçusu Məşədi Möhsüm Babayevin qızı Aliyə xanımla ailə həyatı qurmuş və bu nikahdan Həqiqət xanım adlı qızı dünyaya gəlmişdir. Azərbaycan Respublikasının əməkdar müəllimi fəxri adı ilə təltif olunmuş Aliyə Vəzirova Bakı şəhərində 2011-ci ildə vəfat etmişdir.

Seymur Vəzirovun qızı Həqiqət Vəzirova 1975 ci ildə Xarici Universitetini "fransız dili müəllimi" ixtisası üzrə bitirmiş və otuz il Azərbaycan Təbii Sərvətlər Nazirliyinin Geologiya və Mineral Ehtiyatları Komitəsində tərcüməçi - texnik vəzifəsində çalışmışdır. Həqiqət Vəzirova 1975-ci ildə fars əsilli Kəyani Cavidlə ailə həyatı qurmuş və bu nikahdan 1976-cı il təvəllüdlü Pərvin və 1978-ci il təvəllüdlü Fidan adlı qızları dünyaya gəlmişdir. Həqiqət Vəzirova 2022-ci ildə Bakı şəhərində vəfat etmişdir.

Seymur Vəzirovun ilk nəvəsi Pərvin Vəzir Kəyani Azərbaycan Yazıçılar Birliyinin üzvü, şairə – yazar və ali təhsilli tərcüməçidir. Dünya şöhrətli yazıçı Çingiz Abdullayevin dörd kitabını azərbaycan dilinə tərcümə etmişdir, 7 kitab müəllifidir. Hal-hazırda Pərvin Vəzir Kəyani "Etalon" tərcümə mərkəzinin rəhbəri vəzifəsində çalışır. Ailəlidir. 1997-ci il təvəllüdlü Muradxan və 2000-ci il təvəllüdlü Rəşad adlı iki oğlu var.

Seymur Vəzirovun ikinci nəvəsi Fidan Vəzir Kəyani Toksoz hal-hazırda Türkiyədə yaşayır, ailəlidir, 2018-ci il təvəllüdlü Seymur Can adlı oğlu babası Seymur Vəzirovun adını daşıyır.

Парвин Везир Кеани "Горизонты триумфа" (Мемуары о жизни и деятельности Сеймура Везирова)