Ukraynanın cənub vilayətlərini, Krımı Dneprdən keçən qısa və rahat dəmir yolu ilə birləşdirmək planı müharibədən əvvəlki dövrlərdə düşünülürdü. Bu məqsədlə 1939-cu ildə Antonovkadan kənarda dəmir yolu körpüsünün tikintisinə başlanılır. Sahildə ilk dayaqlar quraşdırılır. Bununla belə İkinci Dünya müharibəsi təhlükəsi səbəbindən tikinti dayandırılır. Dneprdən indiki körpüdən bir neçə metr aşağıda yerləşən Alman dəmir yolu körpüsünün fotoşəkilləri və çəkilişləri (1943) var. 1949-cu ildə körpünün tikintisi dəmiryol alayına həvalə edilir. Bir müddət sonra bu ətrafda əhali çoxalır, sənaye sahəsi yaranır. 12 dekabr 1954-cü ildə Cənubi Ukraynanın sağ sahilini Krımla birləşdirən dəmir yolu körpüsü istifadəyə verilir.

Rusiyanın Ukraynaya müdaxiləsi zamanı Ukrayna Silahlı Qüvvələri Dnepr çayının sağ sahilində yerləşən rus əsgərinin qarşısını almaq üçün körpünü vurmağa məcbur olur. 2022-ci ilin noyabrında Rusiya qoşunlarının Dnepr çayının sağ sahilindən geri çəkilməsi zamanı onlar Antonov dəmir yolu körpüsü də daxil olmaqla Dnepr üzərindən dörd körpünü partladırlar.

Körpü çayın 43.5-ci kilometrində İnhulet və Dnepr çaylarının qovuşduğu yerdə və adının aldığı Xerson vilayətinin Antonovka qəsəbəsindən altı kilometr şərqdə yerləşir.