Qaralama:Saymon Conson
Saymon Conson (ingiliscə: Simon H. Johnson; d. 16 yanvar 1963, Şeffild, Yorkşir) — Britaniya-Amerika iqtisadçısı. Massaçusets Texnologiya İnstitutunun professoru. 2007–2008-ci illərdə Beynəlxalq Valyuta Fondu-nun baş iqtisadçısı. 2024-cü ildə Conson, Daron Acemoğlu və Ceyms A. Robinson ilə birlikdə xalqlar arasında rifahla bağlı apardıqları müqayisəli araşdırmalara görə İqtisadiyyat Elmləri üzrə Nobel Memorial Mükafatına layiq görülüb.[1]
Təhsili
1963-cü ildə Şeffilddə anadan olan Saymon Conson bakalavr pilləsini iqtisadiyyat və siyasət üzrə Oksford universitetində başa vurmuşdur. Daha sonra 1986-cı ildə Massaçusets Universitetində iqtisadiyyat üzrə magistr dərəcəsi (fərqlənmə ilə) alıb . O, doktorantura təhsilini eyni universitetdə davam etdirərək, 1989-cu ildə iqtisadiyyat üzrə fəlsəfə doktoru dərəcəsini alıb.[2]
Karyerası
Karyerası boyunca Dyuk Universiteti, Massaçusets Texnologiya İnstitutu daxil olmaqla müxtəlif universitetlərdə professor olar tədris etmiş, həmiçinin 2007–2008 illərində Beynəlxalq Valyuta Fondunda iqtisadi müşavir və tədqiqat departamentinin direktoru vəzifəsində çalışmışdır.[3]
Araşdırmalar və nəşrlər
Conson sosial institutlar və iqtisadi inkişaf arasındakı əlaqələri təsvir edən çoxsaylı nüfuzlu tədqiqatların müəllifi və ya həmmüəllifidir. Onların arasında Acemoğlunun müəllifi olduğu "Güc və Tərəqqi: Texnologiya və Rifah üzərində Min İllik Mübarizəmiz" (Power and Progress: Our Thousand-Year Struggle over Technology and Prosperity) (2023) və Conatan Qruberlə birlikdə yazılmış "Sıçrayışla Başlayan Amerika: Elm İqtisadi İnkişafı və Amerika Xəyalını necə canlandıra bilər"(Jump-Starting America: How Breakthrough Science Can Revive Economic Growth and the American Dream) (2019), "Güc və Tərəqqi: Texnologiya və Rifah üzərində Min İllik Mübarizəmiz" (Power and Progress: Our Thousand-Year Struggle over Technology and Prosperity) kitabları var.[4]
Xalqlar arasında rifah baxımından böyük fərqlər var. Bunun vacib izahlarından biri cəmiyyət institutlarında davamlı fərqlərdir. Simon Conson, Daron Acemoğlu və James A. Robinson avropalı müstəmləkəçilər tərəfindən tətbiq edilən müxtəlif siyasi və iqtisadi sistemləri araşdıraraq, institutlar və rifah arasında əlaqəni nümayiş etdirə biliblər. Onlar, həmçinin institutlardakı fərqlərin niyə davam etdiyini və institutların necə dəyişə biləcəyini izah edə biləcək nəzəri alətlər hazırlayıblar.
- ↑ https://www.nobelprize.org/prizes/economic-sciences/2024/johnson/facts/
- ↑ https://www.britannica.com/biography/Simon-Johnson
- ↑ https://www.euronews.com/business/2024/10/14/2024-nobel-prize-in-economics-awarded-to-three-recipients
- ↑ https://www.nobelprize.org/prizes/economic-sciences/2024/press-release/