| Rüfət Elçiyev | |
|---|---|
"ABAD" publik hüquqi şəxsinin direktoru | |
Vəzifədədir | |
| oktyabr 2016-cı ildən | |
| Əvvəlki | vəzifə təsis edilib |
| Şəxsi məlumatlar | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı |
 Azərbaycan
|
| Təhsili | Azərbaycan Dövlət İqtisad Universiteti |
|
|
|
| Təltifləri |
  
|
Rüfət Vaqif oğlu Elçiyev ( {{DVTY}} şablonu boşdur) — Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində "ABAD" publik hüquqi şəxsinin direktoru.
Həyatı
Rüfət Vaqif oğlu Elçiyev 28 sentyabr 1983-cü ildə Bakı şəhərində anadan olmuşdur. İlk təhsilini A. Hüseynzadə adına 20 nömrəli tam orta məktəb-liseydə, Bakı Türk Anadolu Liseyi və Həbib Bəy Mahmudbəyov adına 2 nömrəli Texniki-humanitar Liseydə almış, 2001–2005-ci illərdə Azərbaycan Dövlət İqtisad Universitetinin beynəlxalq iqtisadi münasibətlər fakültəsində bakalavr, 2006–2009-cu illərdə isə həmin fakültədə magistr dərəcəsi üzrə təhsil almışdır.
2005–2006-cı illərdə Azərbaycan Respublikası Silahlı Qüvvələrində həqiqi hərbi xidmət keçmişdir.
Rus, ingilis və türk dillərini bilir. Ailəlidir, iki övladı var.
Karyerası
Rüfət Elçiyev müxtəlif dövrlərdə tibb və tikinti şirkətlərində maliyyə yönümlü vəzifələri icra etmişdir. O, 2005–2016-cı illərdə Azərbaycan Respublikası Dövlət Gömrük Komitəsində böyük inspektor, Gömrük vergi və yığımları şöbəsinin rəisi və (gömrük xidməti polkovnik-leytenantı rütbəsində) Maliyyə-Tarif və Valyuta Nəzarəti Baş İdarəsi rəisinin müavini vəzifələrində işləmişdir.
ABAD
Rüfət Elçiyev 2016-cı ilin oktyabr ayından etibarən Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində "ABAD" publik hüquqi şəxsinin direktorudur.
Onun rəhbərliyi altında ABAD-ın 2017-ci ildəki 300 min manatlıq satış göstəricisi 2023-cü ildə 2 milyon 700 min manatı ötüb. Bunun nəticəsində, ABAD-ın ümumi dövriyyəsi 11 milyon 200 min manatı keçib və bu məbləğin 9 milyon 500 manatı ABAD-çıların gəlirini təşkil edir. O, müxtəlif ailə təsərrüfatlarının, bizneslərinin yaradılması və inkişaf etdirilməsi istiqamətində dəstək mexanizmlərinin formalaşdırılmasına rəhbərlik edib. Qurum pilot mərhələsində 7 ailə biznesini dəstəkləməklə işə başlasa da, 2024-cü ildə dəstəklənən ailə biznesinin sayı 600-ü keçib.
2024-cü ilin aprel ayında "ABAD”çıların sayı 600-ü ötüb.
Təltifləri
- "Dövlət qulluğunda fərqlənməyə görə" medalı (25.01.2011)
- "Tərəqqi" medalı (27.12.2018)
- "Azərbaycan Respublikası Dövlət Gömrük Komitəsinin 20 illiyi" yubiley medalı (30.01.2012)
- "Gömrük xidməti əlaçısı" döş nişanı (03.05.2016)
İstinadlar
- ↑ . abad.gov.az.
- abad.gov.az
- . Oxu.az (az.). İstifadə tarixi: 2024-08-28.
- . tns.az (az.). İstifadə tarixi: 2024-08-28.
- . abad.gov.az (az.). İstifadə tarixi: 2024-08-28.
- . president.az. 25 yanvar 2011.
- . president.az. 27 dekabr 2018.