Azər İbrahim oğlu Xudiyev 15 noyabr 1980-ci ildə Bakı şəhərində ziyalı ailəsində dünyaya gəlib. Bakı şəhər 42 saylı orta məktəbi, 2001-ci ildə Azərbaycan Respublikasının Prezidenti yanında Dövlət İdarəçilik Akademiyası Politologiya ixtisasını və 2003-cü ildə magistr dərəcəsini eyni ixtisas üzrə fərqlənmə diplomu ilə bitirmişdir. 2013-cü ildə Azərbaycan Dövlət İqtisad Universitetində doktorantura təhsilini müvəffəqiyyətlə bitirərək, "Ümumi iqtisadiyyat" ixtisasında iqtisad elmləri üzrə fəlsəfə doktoru elmi dərəcəsi almışdır.

• 2005-ci ildə səhiyyə sahəsində menecment, marketinq və satış fəaliyyəti aparan peşəkar konsaltinq şirkətinin yaradıb. 2020-ci ildə ilk tibbi televiziyanın, onlayn klinikanın, tibbi jurnalistikanın yaradıcısı və tibbi proqramların 24 saatlıq efir proqramını qurub. Onlayn klinika müxtəlif sahə üzrə həkimlərin iştirakıyla sosial platformalar üzərindən 8 saatlıq canlı yaylımlar təşkil edir. 2022-ci ildə dünyada ilk tibb kanalı peyk və kabel televizyasını yaradıb. Səhiyyə TV "Azərspace" peyki vasitəsilə yayımlanır. Azərbaycan Əczaçı Sahibkarlar Assosiasiyasının təsisçisi olaraq, əczaçılıq işinin təbliğində, ölkə əczaçılarının hüquqlarının müdafiəsində, əczaçılıq üzrə ixtisaslaşmış kadrları yetişdirir. Şirkətin əsas fəaliyyət istiqamətlərindən biri tibbi maarifçilikdir. Medical Media Şirkəti ölkədə ilk ixtisaslaşmış marketinq və tibbi maarifçilik bazasıdır. Şirkət əczaçılıq sahəsində marketinq, bazar araşdırmaçılığı, rəqabət şəraiti, analoji malların meydana çıxması ehtimalları sahəsini öyrənir və məhsul satışını təşkil edirdi. Medical Media bazasında 50-dən çox tibbi-publisistik proqram istehsal olunur və yayımlanır.

Azər Xudiyevin ideyası ilə bir çox tibbi bədii-sənədli filmlər və televizya proqramları istehsal olunub.

1. Pandemiya dövründə koronavirusla mübarizədə maarifçilik missiyası daşıyan "COVID PALATASI" canlı televiziya proqramı;
2. Beynəlxalq yarışmaların qalibi seçilən "Son hədd" film-tamaşası;
3. Şəhid həkimlərə həsr olunmuş "Şəfadən şəhadətə" bədii filmi;
4. Cühmuriyyət tarxinin həkimlərinə həsr olunmuş "1100 ilin həkimləri" bədii çağırış filmi.

Azərbaycanın ilk Rok Festivalının təşkilatçısı olub. Qala konserti 11 iyun 2022-ci ildə Heydər Əliyev Sarayında keçirilən festivalda ölkənin nüfuzlu rok qrupları iştirak edib. Azər Xudiyevin dəvətiylə Azərbaycan Tibb Univeristetinin, İ. M. Seçenov adına Birinci Moskva Dövlət Tibb Universitetinin Bakı filialının minlərlə tələbəsi və məzunu Heydər Əliyev Sarayındakı qala konsertdə iştirak edib. Gələcəyin həkimlərinin şəxsiyyət kimi formalaşmasında, gənclərin milli ruhda tərbiyə almasında bu festivalın böyük əhəmiyyəti vardır.

• Avropa Təbiət Elmləri Akademiyası Beynəlxalq Mükafat Komitəsinin qərarı ilə tibb sahəsində xidmətlərinə görə "Avropa Xidmət Ordeni" ilə təltif edilib.
• Türk Dünyası Araşdırmaları Beynəlxalq Elmlər Akademiyası Medical Media Şirkətinin rəhbərini səhiyyə sahəsində maarifçilik fəaliyyətinə və türk dövlətləri arasında əməkdaşlığın dərinləşməsində xidmətlərinə görə Akademiyanın fəxri doktoru diplomuyla.
• Qarabağın işğaldan azad olunması uğrunda göstərdiyi xidmətlərə görə, dəfələrlə Müdafiə Nazirliyinin xüsusi təşəkkürnamə diplomlarına layiq görülülüb.

• . sehiyyetv.a. İstifadə tarixi: 24 sen 2024.
• . modern.az. İstifadə tarixi: 24 sen 2024.
• . www.youtube.com. İstifadə tarixi: 24 sen 2024.
• . modern.az. İstifadə tarixi: 24 sen 2024.