Qaralama:Əvəz Əlibəyov — Vikipediya

Qaralama:Əvəz Əlibəyov

Əvəz Əlibəyov
Əvəz Mahmud oğlu Əlibəyov
Şəxsi məlumatlar
Doğum tarixi
Doğum yeri Merdinli, Yelizavetpol quberniyası, Rusiya imperiyası
Vəfat tarixi (83 yaşında)
Vəfat yeri Merdinli, Füzuli rayonu, Azərbaycan SSR
Vətəndaşlığı Rusiya İmperiyası Rusiya imperiyası
Azərbaycan AXC
SSRİ SSRİ
Milliyyəti azərbaycanlı
Hərbi fəaliyyəti
Xidmət illəri 1914–1945
Rütbəsi baş leytenant[1]
kapitan[2]
Vəzifəsi eskadron, polk və briqada komandiri
Döyüşlər Birinci dünya müharibəsi
Rusiyada vətəndaş müharibəsi
Böyük Vətən Müharibəsi
Təltifləri

Əlibəyov Əvəz Mahmud oğlu — Birinci Dünya müharibəsi, Rusiya Vətəndaş müharibəsi və Böyük Vətən müharibəsi iştirakçısı.[3]

Həyatı

Əvəz Əlibəyov 1895-ci ildə Cəbrayıl qəzasının Merdinli obasında anadan olub.[3]

Rusiya İmperiyası illərində

1914–1917-ci illərdə Çar ordusu sıralarına səfərbər olunmuş, bu müddətdə podporuçik rütbəsinə yüksəlmişdir. Birinci Dünya müharibəsində müsəlmanlardan ibarət "Vəhşi diviziya"nın (rus. Дикая дивизия) tərkibində Avstriya cəbhəsində döyüşlərdə fərqlənmişdir. Rusiyada vətəndaş müharibəsi zamanı Birinci Süvari orduda eskadron, polk, briqada komandiri olmuş, Rostov, Kuban, Saritsın və Şimali Qafqazın əks-inqilabi qüvvələrdən təmizlənməsində iştirak etmişdir.

Sovet illərində

1917-ci ildə könüllü olaraq Qırmızı Ordu sıralarına qoşulmuş, 1925-ci ilədək orduda xidmət etmişdir.[4]

1926-cı ildən Sovet İttifaqı Kommunist Partiyasının üzvü olmuşdur. 1923–1927-ci illərdə Azərbaycanın və Dağıstanın milis orqanlarında, 1928–1940-cı illərdə partiya, sovet və təsərrüfat orqanlarında çalışmışdır. Bu müddət ərzində 15-ci ehtiyat süvari alayı, ehtiyatda olan zabitlərin alayında olmuşdur.[5]

Böyük Vətən müharibəsində 1941-ci ilin avqustundan 1942-ci ilin iyun ayının 1-dək Birinci Süvari Ordunun 4-cü eskadron, 142-ci süvari alayı, 34-cü süvari diviziyasının komandiri olmuş, bu müddət ərzində o, cənub-qərb cəbhəsində, Qafqazda, Kubanda və Ukraynanın Voroşilovqrad, Starobilsk, Borovenkovo, İzyum, Rozovo və Svetoqorsk bölgələrində gedən döyüşlərdə iştirak etmişdir.[4][6][7][8] 1942-ci ilin 17 mayında Xarkov vilayətinin Barvenkovski rayonunun Qusarovka və Veselovka kəndləri yaxınlığında komandanlıq etdiyi 4-cü süvari eskadronu düşmənin pulemyotçu dəstəsi və 18 tankı ilə döyüşə girmiş, 65-dən çox avtomatlı piyada və 6 tank Əlibəyovun özü tərəfindən məhv edilmişdir. Bu döyüşdə o, sol qolundan mərmi yarası almışdır.[4][6] İki il sonra isə 1944-cü ildə Polşa uğrundakı vuruşmalarda ağır yaralanmışdır. 1944–1945-ci illərdə Qaryagin rayonunun (indiki Füzuli rayonu) hərbi komissarlığında 2 saylı hərbi hissənin rəisi kimi fəaliyyət göstərmiş, 1945-ci ilin 13 avqustunda hərbi xidmətini dayandırmış,[9] 1946-cı ildən isə müxtəlif sovet və təsərrüfat vəzifələrində çalışmışdır.[10]

Əvəz Əlibəyov 1978-ci ildə doğma kəndində vəfat etmişdir.[6]

 
"Mükafat vərəqi – Əlibəyov Əvəz Mahmud oğlu (1 sentyabr 1945-ci il)" (rus. Наградной лист - Алибеков Авяз Махмуд оглы, 1 Сентябрь 1945)[4]

Təltifləri

Ə. Əlibəyov 1961-ci ildən respublika əhəmiyyətli fərdi pensiyaçı idi.

Orden və medalları

Rusiya İmperiyası tərəfindən

SSRİ tərəfindən

Həmçinin bax

İstinadlar

  1. ↑ "Галерея памяти участников ВОВ - АЛИБЕКОВ АЙВАЗ МАХМУДОВИЧ". Музейный комплекс "Дорога Памяти" (rus). İstifadə tarixi: 2024-09-03.
  2. ↑ "Cведения управления кадров Минобороны на Аваза Алибекова". POISK.RE — электронный банк документов периода Великой Отечественной войны (rus). İstifadə tarixi: 2024-09-03.
  3. ↑ 1 2 "БОЙЦЫ И КОМАНДИРЫ — А-Г". Саваш — Военно-исторический сайт.
  4. ↑ 1 2 3 4 5 6 "Память народа - Алибеков Аваз Махмуд-оглы". m.pamyat-naroda.ru. İstifadə tarixi: 2024-09-01.
  5. ↑ 1 2 "Память народа - Алибеков Айваз Мухтар-оглы". m.pamyat-naroda.ru. İstifadə tarixi: 2024-09-01.
  6. ↑ 1 2 3 4 5 6 Минаев, Дмитрий Николаевич. Георгиевские кавалеры против Третьего Рейха и его союзников (С С С Р). В вооружённых силах А - Г // Журнал "Самиздат" (rus). 01-01-2019.
  7. ↑ "Герои СССР". КСАМ: Азербайджанская диаспора РФ. 04-26-2006.
  8. ↑ "34 кавалерийская дивизия". Памят Народа.
  9. ↑ "Сведения об Айвазе Алибекове из учётно-послужной картотеки". POISK.RE — электронный банк документов периода Великой Отечественной войны. İstifadə tarixi: 2024-09-03.
  10. ↑ 1 2 Әлибәјов Әлибәј Гулубәј оғлу // Азәрбајҹан Совет Енсиклопедијасы: [10 ҹилддә]. IV ҹилд: Елдәҝәз—Итабира. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1980. С. 168.
  11. ↑ Ҝеорҝи хачы // Азәрбајҹан Совет Енсиклопедијасы: [10 ҹилддә]. VI ҹилд: Куба—Мисир. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1982. С. 69.
  12. ↑ 1 2 "Подвиг народа - Алибеков Айваз Махмудович 1895г.р." podvignaroda.ru. İstifadə tarixi: 2024-09-03.
  13. ↑ "Галерея памяти участников ВОВ - АЛИБЕКОВ АЙВАЗ МУХТАР-ОГЛЫ". Музейный комплекс "Дорога Памяти" (rus). İstifadə tarixi: 2024-09-03.

Kateqoriya:Azərbaycan hərbçiləri Kateqoriya:Azərbaycanlı hərbçilər Kateqoriya:Birinci Dünya müharibəsi iştirakçıları Kateqoriya:Füzuli rayonunda doğulanlar Kateqoriya:Füzulidə vəfat edənlər Kateqoriya:Böyük Vətən müharibəsi iştirakçıları

Mənbə — "https://az.wikipedia.org/w/index.php?title=Qaralama:Əvəz_Əlibəyov&oldid=7758903"

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023