Qara lalə əməliyyatı (nid. Operatie Black Tulip — Niderlandın ədliyyə naziri tərəfindən 1945-ci ildə İkinci Dünya müharibəsi başa çatdıqdan sonra irəli sürülmüş, bütün almanları ölkədən zorla deportasiya etmək planı. Əməliyyat 1946–1948-ci illər arasında davam etmiş və ümumilikdə 3,691 alman (Niderlandda yaşayan almanlar 15%-i) deportasiya edilmişdi.
Əməliyyat
Əməliyyat 11 sentyabr 1946-cı ildə Amsterdamda başlamışdır. Burada almanlar ailələri ilə birlikdə gecə yarısı evlərindən çıxarılmış və onlara əlli kiloqram baqaj toplamaq üçün bir saat vaxt verilmişdir. Onlara yüz gulden götürməyə icazə verilmiş, qalan mülkləri dövlətə keçmişdir. Onlar Qərbi Almaniya ilə sərhədə yaxın internat düşərgələrinə aparılmışdılar. Əməliyyat 1948-ci ildə yekunlaşdırılmışdır. 26 iyul 1951-ci ildə Almaniya ilə müharibə vəziyyəti rəsmən başa çatmış, almanlar artıq dövlət düşməni hesab edilmirdi.
İstinadlar
- Bogaarts, Melchior D., Weg met de moffen // Parlementaire geschiedenis van Nederland na 1945 (holland), D (2), Nijmegen, 1995, ISBN 90-71478-37-8
- Bogaarts, M. D., , Bijdragen en Mededelingen betreffende de Geschiedenis der Nederlanden (holland), Royal Dutch Historical Society, 96 (2), 1981: 334–351