Əsas məqalələr: Bakı şəhərinin tarixi və Azərbaycanda neft sənayesi

Bakı 1813-cü ildə imzalanan Gülüstan müqaviləsindən sonra Rusiya imperiyasının tərkibinə daxil olmuşdur. Bu dövrdə Bakı 10 min əhaliyə sahib kiçik bir şəhər idi. Dünyada ilk neft quyusu 1848-ci ildə Bakıda qazıldı. İlk neft emalı zavodları 1859-cu ildə şəhər ətrafında tikildi. 1860-cı illərdə Bakının neft sahələrindən əldə edilən neft dünya üzrə neft təchizatının 90%-i təşkil edirdi. Sənaye binaları şəhərin böyük bir hissəsini əhatə etməyə başladı. Zavod və fabriklər havanın çirklənməsinə səbəb oldu. İctimai təzyiq əyalət hakimiyyətini ayrıca sənaye zonası yaratmağa təşviq etdi. 1870-ci ildə şəhərin şərqindəki otlaq ərazilərin neft emalı zavodlarının tikintisi üçün ayrılması təklif edildi. 1872-ci ilə qədər Bakıda kerosin istehsal edən təqribən 60 neft emalı zavodu var idi. Şəhərdə yeni zavod tikilməsini qadağan edən və neft emalı zavodlarının şəhərdən kənarda yerləşdirən qanun qəbul edildi.

1874-cü ildə Qara Şəhərin ərazisində 123 neft emalı zavodu var idi. Ərazi limandan 8 mil (13 kilometr) məsafədə idi. Sənaye ərazisi planı 1876-cı ildə tamamlandı. Qonşu Keşlə qəsəbəsinin ferma və otlaqlarının bəziləri şəhərdə fəaliyyəti dayandırılmış fabriklərin köçürülməsi üçün ayrıldı. Yeni sənaye ərazisi yaşayış yerlərindən 2 kilometr uzaqlıqda idi. Çirklənmənin qarşısını almaq üçün yaşayış ərazisində neft emalı zavodlarının tikintisi qadağan edildi. 1880-ci ildə Qara Şəhər ərazisində 118 istehsal fəaliyyəti göstərən firma var idi.

Bakının neft fəhlələrinin çoxu bu ərazidə yaşayırdı. Burada həmçinin neft şirkətlərinin ofisləri, emalatxanalar və əlaqədar işçilərin yaşayış əraziləri yerləşirdi. Bakı ilə müqayisədə yaşayış şəraiti pis idi. İmkanlı şəxslər neft çıxarılması və emalının qadağan edildiyi şəhər mərkəzində yaşayırdılar. Fabrik və neft emalı zavodlarının havaya buraxdığı qara tüstü və his ərazinin Qara Şəhər (rus. Чёрный город) adı ilə məşhurlaşmasına səbəb oldu. 1890-cı ildə Qara Şəhərə gələn türk səyahətçi buranı belə təsvir edirdi:

1878-ci ildə Nobel qardaşları Rusiya imperiyasında ilk neft kəmərini çəkdilər. 5.6 mil (9 kilometr) uzunluğunda və diametri 2 düymə (51 millimetr) olan bu kəmər gündə 10 min neft nəql edə bilirdi. Xam neft quyulardan Balaxanıdakı mərkəzi saxlama çənlərinə, ordan da neft emalı zavodlarına göndərilirdi. Tikintiyə sərf edilən pul bir ildə qazanıldı. Çok keçmədən digər şirkətlər Nobellərin yoluyla getdilər.

1879-cu ildə Nobel qardaşları Nobel qardaşları neft istehsalı ortaqlığının əsasını qoydu. Tezliklə onlar Bakıdakı neft sənayesinin 75%-i idarə edirdilər. 1885-ci ilin oktyabr ayında Bakının neft emalı zavodlarının çoxu Qara Şəhərdə idi. Neft torpaq üzərində yerləşdirilmiş 4–6 düymə (100–150 millimetr) diametri olan kəmərlər ilə nəql edilirdi. Burada 2-i Nobellərin olmaqla 12 rezervuar var idi. Kiçik firmalar böyük firmaların çənlərindən istifadə etməli idi.

Balaxanının neftlə zəngin əraziləri Bakıdan 9 mil (14 kilometr) uzaqlıqda yerləşirdi.İsveç səyyahı Sven Hedin^?! 1890-cı ildə Balaxanının neft sahələrini ziyarət etmişdir. Burada 116-ı Nobellərin olmaqla 410 quyu (dərinliyi 220–270 metr) var idi. Nobel quyularından biri gündə 150 min pud istehsal edirdi. Nobellər iki xətlə Qara Şəhərə gündə 230 min pud xam neft nəql edirdilər. Onlar günə 60 min pud emal edilmiş neft istehsal edirdilər.

Qara Şəhər inkişaf nəticəsində sərhədlərini aşmağa başlayanda neft sənayeçiləri öz ehtiyaclarını ödəmək üçün daha münasib yerlər axtarmağa başladılar. Tezliklə Qara Şəhərin şərqində Ağ Şəhər adlanan yeni sənaye ərazi ortaya çıxdı. 1902-ci ilin sonunda burada 20-ə yaxın böyük neft emalı zavodu və neftlə əlaqədar ticarət müəssisəsi tikildi. Qara Şəhərdən fərqli olaraq Ağ Şəhərdəki zavodlar daha müasir və daha funksional idi və ərazi çox çirklədilmədi. 1882–1883-cü illərdə Nobel qardaşları Qara Şəhər və Ağ Şəhərin sərhədində Villa Petrolea adlı sənaye cəmiyyətinin əsasını qoydular. 1905-ci ildə Bakının bir çox neft emalı zavodları burada yerləşirdi.

Bakı Rusiya imperiyasında ən başı bəlalı şəhərlərdən biri idi. 1900-cü illərdə Bakıda olan gənc İosif Stalin neft maqnatlarına qarşı hərəkət edən kriminal qruplarla əlaqə saxlayırdı. Belə bir fikir var idi ki, Qara Şəhərdə bəzi çöllüklər kriminal qrupun nəzarətindədir. Stalin menşeviklərin yox, yalnızca bolşeviklərin bura daxil olması kriminal qrupla razılığa gəlmişdi. Bolşeviklərin xüsusi parolu var idi. Başqa bir hekayəyə görə Stalin neft maqnatı Musa Nağıyevin qaçırılmasında rol oynamışdı. Stalin həmçinin neft sahələri işçilərinin tətilə çıxmasını təşkil etmişdi. Bolşeviklər həmçinin neft daşınması şəbəkəsi vasitəsilə öz qəzetləri "İskra"nı paylayırdılar.

• Agbahowe, Nathaniel U. . AuthorHouse. 2009-01-30. ISBN 978-1-4389-1467-1. İstifadə tarixi: 2013-02-14.
• Asbrink, Brita. . Azerbaijan International. 10 (2). Summer 2002. İstifadə tarixi: 2013-02-14.
• (PDF). Islamic Development Bank. June 2010. 2014-04-11 tarixində (PDF) arxivləşdirilib. İstifadə tarixi: 2013-02-14.
• Beene, Gary. . Sunstone Press. 2011-07-25. ISBN 978-1-61139-012-4. İstifadə tarixi: 2013-02-14.
• Black, Brian C. . Rowman & Littlefield Publishers. 2012-03-22. səh. 80. ISBN 978-1-4422-1611-2. İstifadə tarixi: 2013-02-14.
• Black, Edwin. . John Wiley & Sons. 2004-11-11. ISBN 978-0-471-70895-7. İstifadə tarixi: 2013-02-13.
• Dumper, Michael R. T.; Stanley, Bruce E. . ABC-CLIO. 2007. ISBN 978-1-57607-919-5. İstifadə tarixi: 2013-02-14.
• Farndon, John. . Penguin. 2012-01-16. ISBN 978-0-7566-9898-0. İstifadə tarixi: 2013-02-14.
• Fatullayev, Shamil. (Russian). Institute of Architecture and Art of the Academy of Sciences of Azerbaijan SSR (IAiI). 1978. İstifadə tarixi: 2013-02-14.
• Hedin, Sven. . Asian Educational Services. 1926. səh. 528. ISBN 978-81-206-1057-6. İstifadə tarixi: 2013-02-14.
• Henry, James Dodds. (PDF). A. Constable & Co., ltd. 1905.
• Heyat, Farideh. . Psychology Press. 2002. ISBN 978-0-7007-1662-3. İstifadə tarixi: 2013-02-13.
• Kaufman, Richard F. . M.E. Sharpe. 1993. səh. 948. ISBN 978-1-56324-318-9. İstifadə tarixi: 2013-02-14.
• Montefiore, Simon Sebag. . Random House Digital, Inc. 2008-10-14. ISBN 978-1-4000-9613-8. İstifadə tarixi: 2013-02-14.
• Murray, Robin L.; Heumann, Joseph K. . SUNY Press. 2009-01-08. ISBN 978-0-7914-7678-9. İstifadə tarixi: 2013-02-14.
• Russian Petroleum // . Bradstreet Company. 1886. səh. 275. İstifadə tarixi: 2013-02-14.
• Sokolov, Vasily Andreevich. . The Minerva Group, Inc. 2002-03-01. səh. 26. ISBN 978-0-89875-725-5. İstifadə tarixi: 2013-02-14.
• . . Cambridge University Press. 2004-06-07. ISBN 978-0-521-52245-8. İstifadə tarixi: 2013-02-13.
• . . Scarecrow Press. 2009-03-02. ISBN 978-0-8108-6288-3. İstifadə tarixi: 2013-02-14.
• . Our Baku (Russian). 2012-05-07 tarixində arxivləşdirilib. İstifadə tarixi: 2013-02-14.

• İçərişəhər
• Sovetski
• Ağ Şəhər

•   Vikianbarda Qara şəhər ilə əlaqəli mediafayllar var.