10 sentyabr 1954-cü ildə Bakıda doğulub. 1975-ci ildə Azərbaycan Dövlət İncəsənət İnstitutunun «Dram və kino aktyorluğu» fakültəsini bitirib. 1975-79-cu illərdə Şəki Dövlət Dram teatrında, 1979-cu ildən İncəsənət İnstitutunun nəzdində Tədris teatrında aktrisa vəzifələrində işləyib. 1983-cü ildə Şəki Dövlət Dram Teatrına qayıdıb 2002-ci ilə kimi aktrisa vəzifəsində çalışıb. 2002-ci ildən Azərbaycan Dövlət Gənclər teatrında aktrisa vəzifəsində çalışıb. Azərb.Döv.Mədəniyyət və İncsənət Universitetinin müəllimidir. 2009-cu il may ayının 1-dən Azərbaycan Dövlət Gənc Tamaşaçılar teatrının aktrisasıdır. 2000-ci ildə Azərbaycan Respublikasının Əməkdar Artisti fəxri adı ilə təltif olunub. 2013-cü ilin dekabr ayının 10-da Azərbaycan Respublikasının Əməkdar İncəsənət Xadimi fəxri adına layiq görülmüşdür.

Əsas rolları:

1. Sara xatun - («Sara xatun», N.Cəfərli)
2. Nazlı - («Qarışqa yuvası», Ə.Qiyas)
3. Güllü - («Vicdanın hökmü», H.Mirələmov)
4. Sevgili - («Generalın son əmri», V.Səmədoğlu)
5. I qadın - («Labirint», E.Hüseynbəyli)
6. Anaxanım - («Axırı sakitlikdir», E.Hüseynbəyli)
7. Hosuil Emmi - («IV Kin», Q.Qorin)
8. İolanka - («Gecə soyğunçuları», M.Mitroviç)
9. Gövhər xanım - («Məhv olmuş gündəliklər», İ.Əfəndiyev)
10. Marianna – («Tədbirə qarşı tədbir», V.Şekspir)
11. Madam Perye – («Haray», Z.Ağayev)
12. Qadın – («İmperator», E.Hüseynbəyli)
13. Kərbəlayı Qubadın arvadı – («Ər və arvad», Ü.Hacıbəyov)
14. Anaxanım – («Əbləhlərin toyu», R.Əlizadə)
15. Zibeydə – («Başsız meyid», H.Qəmbər)
16. Nina – («Şeyx Sənan», H.Cavid)
17. Missis Man – («Oliver Tvistin macəraları» Ç.Dikkens»
18. Qarı nənə – («Göyçək Fatma» Azərbaycan Xalq nağılı)
19. Sədəf qarı – («Əcəl atı» V.Əlixanlı)
20. Qətibə müəllimə («Mən səni sevirəm – M.S.S» Ə.Əmirli)
21. Nağılçı nənə – («Dörd əkizin nağılı» P.Pançev)
22. Ceyran - (“Sarıköynəklə Valehin nağılı” İ.Əfəndiyev)

1. O dünyadan salam (film, 1991)
2. Həm ziyarət, həm ticarət... (film, 1995)
3. Yalan (film, 2005)
4. Cavad xan (film, 2009)