Qəşəm Aslanov - Haqqinda Melumat

Qəşəm Aslanov
Qəşəm Aslanov
Azərbaycan Kommunist Partiyası Abşeron Rayon Komitəsinin birinci katibi
	1983 – 1984
Əvvəlki
Sonrakı	Zöhrab Məmmədov
Azərbaycan Kommunist Partiyası İsmayıllı Rayon Komitəsinin birinci katibi
	1975 – 1983
Əvvəlki
Sonrakı	İmran Mehdiyev
Azərbaycan Kommunist Partiyası Şuşa Şəhər Komitəsinin birinci katibi
	1972 – 1975
Sonrakı	Əhəd Kərimov
Şəxsi məlumatlar
Doğum tarixi	10 aprel 1934
Doğum yeri	Kəsəmən, Basarkeçər rayonu, Ermənistan SSR, ZSFSR, SSRİ;
Vəfat tarixi	19 noyabr 1984 (50 yaşında)
Vəfat yeri	Bakı, Azərbaycan SSR, SSRİ;
Vəfat səbəbi	avtomobil qəzası[d]
Dəfn yeri	Fəxri Xiyaban;
Partiya	Sovet İttifaqı Kommunist Partiyası (1959–);
Təhsili	BDU Filologiya fakültəsi;
Fəaliyyəti	jurnalist, dövlət xadimi
Uşaqları	Rövşən Aslanov[d],; Xəzər Aslanov;

Qəşəm Novruz oğlu Aslanov (10 aprel 1934, Kəsəmən, Basarkeçər rayonu – 19 noyabr 1984, Bakı) — Azərbaycanın dövlət xadimi; Şuşa, Abşeron və İsmayıllı rayonlarının birinci katibi; SSRİ jurnalisti, SSRİ Jurnalistlər İttifaqının üzvü (1966).

Həyatı

Qəşəm Aslanov 10 aprel 1934-cü ildə Qərbi Azərbaycanın Göyçə mahalının Basarkeçər rayonunun Kəsəmən kəndində anadan olub.

1949-cu ildə yeddi illik məktəbini bitirdikdən sonra Xanlar Pedaqoji Texnikumuna daxil olub.

1954-cü ildə Azərbaycan Dövlət Universitetinin filologiya fakültəsinin jurnalistika ixtisasına qəbul olub və 1959-cu ildə universiteti bitirib.

1955-ci ildə Qaraiman kənd məktəbinə dərs hissə müdiri göndərilib. Bundan sonra öz kəndlərində müəllim və dərs hissə müdiri işləyib.

15 oktyabr 1959-cu ildə Basarkeçər rayon komsomol komitəsinin birinci katibi, 1962-ci ildə rayonlararası "Sevan" qəzetində redaktor vəzifələrində çalışıb.

1962-ci ildə Basarkeçər rayon partiya komitəsinin katibinin ideoloji iş üzrə müavini seçilib. 1966-cı ildə SSRİ Jurnalistlər İttifaqına üzv qəbul olunub.

1966–1968-ci illərdə Moskvada Ali Partiya məktəbində oxuyub.

1968-ci ildə Azərbaycan Kommunist Partiyası Mərkəzi Komitəsində inspektor, 1970–1972-ci illərdə "Azərbaycan gəncləri" qəzetinin baş redaktoru, 1972–1975-ci illərdə Şuşada birinci katib, 1975–1984-cü illərdə Abşeron və İsmayıllı rayonlarında birinci katib vəzifəsində işləyib.

"Saymazovun salamı", "Qeyrətin nağılları" adlı kitabları çap olunub, "Eloğlu" imzası ilə şeirlər yazıb.

1984-cü ildə avtomobil qəzasında həlak olub. Son mənzili Fəxri Xiyabandır.

Ailəsi

Xəzər Aslanovun atasıdır.

Əsərləri

Qəşəm Aslanov. Saymazovun salamı (Miniatür və hekayələr), redaktoru İsmayıl İsmayılov // "Hayastan", Yerevan, 1968, 104 səh. 7000 nüsxə.
Qəşəm Aslanov. Məğlub ölüm (povest, hekayə, miniatür və məqalələr) // Tərtib edəni Qeyrət Qəşəmoğlu, redaktoru və öz sözün müəllifi Almaz Ülvi // Bakı, "Azərbaycan" nəşriyyatı, 1997, 168 səh. 1000 nüsxə.
Qəşəm ASLAN. Seçilmiş əsərləri (povest, hekayə, miniatür və məqalələr). Redaktoru və ön söz filologiya elmləri doktoru Almaz Ülvinindir // Bakı, "Nurlan", 2013. 252 səh. 500 nüsxə.

Haqqında yazılanlar

Eldar İsmayıl. "Oğuz yurdun övladları", I kitab, Bakı, "Təbib", 1999.
Almaz Ülvi, "Göyçə mahalı Kəsəmən" I kitab. Bakı, "CBS", 2011.
Almaz ÜLVİ. Qəşəm Aslan — fitrətən fazil şəxsiyyət, gözəl publisist, düşündürücü yazıçı // "Bütöv Azərbaycan" qəzeti, 1 – 7 may 2013, səh. 1, 2 və 13.

Mənbə

Гәшәм Новруз оғлу Асланов // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 37.

İstinadlar

Ocaqquliyev, Həsən. (PDF) (az.). Bakı: "Elm və təhsil". 2016. 2017-11-08 tarixində (PDF). İstifadə tarixi: 2017-11-08.
Ələddin Allahverdiyev. . karabakhmedia.az (az.). karabakhmedia.az. 2016-10-05. 2016-10-05 tarixində . İstifadə tarixi: 2016-10-05.

[1] Ocaqquliyev, Həsən. (PDF) (az.). Bakı: "Elm və təhsil". 2016. 2017-11-08 tarixində (PDF). İstifadə tarixi: 2017-11-08.

[2] Ələddin Allahverdiyev. . karabakhmedia.az (az.). karabakhmedia.az. 2016-10-05. 2016-10-05 tarixində . İstifadə tarixi: 2016-10-05.