Kəpənəyi kiçikdir. Qanadları açılmış halda 10-12 mm-dir. Ön qanadları qızılı-sarı, arxa qanadları açıq-sarıdır. Başı və döşü ön qanadlarla eyni rəngdə olub, qarıncığı boz-sarı, onun qurtaracağı isə sarı rəngdədir.

Tırtılı qaradır. Beli üzərində iki sarı xətt, qırmızı nöqtələr, ağ ləkələr və qonuru-boz tüklər vardır.

Əsasən dağətəyi və dağlıq meşələrdə, bəzən düzən ərazilərdə rast gəlinir. Ehtimal ki, ildə iki nəsil verir. Ədəbiyyat məlumatına görə tırtılları ağaclar üzərində olan şibyələrlə qidalanır. Tırtıl barama içərisində puplaşır və bu mərhələdə qışlayır.

Azərbaycanda Lerikdə, İsmayıllıda, Lənkəranda (Azfilal), Zaqatalada və Oğuzdan yayılmışdır.

• S.Ə.Hacıyeva. Azərbaycanın ayıca (Lepidoptera, Arctiidae) kəpənəkləri (dissertasiya). Bakı: 2005.